Texts

Help

Select a text:
Bibliography
Select a chapter:
 (no revisions)
Associated topic(s): Maruts

Show parallels  Show headlines
Use dependency labeler
Chapter id: 10347
  • Click on a sentence to show its analysis
  • Keep the mouse pointer over a lemma to show its meanings.
pra vo mahe matayo yantu viṣṇave marutvate girijā evayāmarut / (1.1) Par.?
pra śardhāya prayajyave sukhādaye tavase bhandadiṣṭaye dhunivratāya śavase // (1.2) Par.?
pra ye jātā mahinā ye ca nu svayam pra vidmanā bruvata evayāmarut / (2.1) Par.?
kratvā tad vo maruto nādhṛṣe śavo dānā mahnā tad eṣām adhṛṣṭāso nādrayaḥ // (2.2) Par.?
pra ye divo bṛhataḥ śṛṇvire girā suśukvānaḥ subhva evayāmarut / (3.1) Par.?
na yeṣām irī sadhastha īṣṭa āṃ agnayo na svavidyutaḥ pra syandrāso dhunīnām // (3.2) Par.?
sa cakrame mahato nir urukramaḥ samānasmāt sadasa evayāmarut / (4.1) Par.?
yadāyukta tmanā svād adhi ṣṇubhir viṣpardhaso vimahaso jigāti śevṛdho nṛbhiḥ // (4.2) Par.?
svano na vo 'mavān rejayad vṛṣā tveṣo yayis taviṣa evayāmarut / (5.1) Par.?
yenā sahanta ṛñjata svarociṣa sthāraśmāno hiraṇyayāḥ svāyudhāsa iṣmiṇaḥ // (5.2) Par.?
apāro vo mahimā vṛddhaśavasas tveṣaṃ śavo 'vatv evayāmarut / (6.1) Par.?
sthātāro hi prasitau saṃdṛśi sthana te na uruṣyatā nidaḥ śuśukvāṃso nāgnayaḥ // (6.2) Par.?
te rudrāsaḥ sumakhā agnayo yathā tuvidyumnā avantv evayāmarut / (7.1) Par.?
tad
n.p.m.
rudra
n.p.m.
su
indecl.
∞ makha
n.p.m.
agni
n.p.m.
yathā
indecl.
tuvi
comp.
∞ dyumna
n.p.m.
av.
3. pl., Pre. imp.
root
eva
comp.
∞ 
comp.
∞ marut.
n.s.m.
dīrgham pṛthu paprathe sadma pārthivaṃ yeṣām ajmeṣv ā mahaḥ śardhāṃsy adbhutainasām // (7.2) Par.?
adveṣo no maruto gātum etana śrotā havaṃ jaritur evayāmarut / (8.1) Par.?
viṣṇor mahaḥ samanyavo yuyotana smad rathyo na daṃsanāpa dveṣāṃsi sanutaḥ // (8.2) Par.?
gantā no yajñaṃ yajñiyāḥ suśami śrotā havam arakṣa evayāmarut / (9.1) Par.?
jyeṣṭhāso na parvatāso vyomani yūyaṃ tasya pracetasaḥ syāta durdhartavo nidaḥ // (9.2) Par.?
Duration=0.081083059310913 secs.