Texts

indram matir hṛda ā vacyamānācchā patiṃ stomataṣṭā jigāti / (1.1) Par.?

yā jāgṛvir vidathe śasyamānendra yat te jāyate viddhi tasya // (1.2) Par.?

divaś cid ā pūrvyā jāyamānā vi jāgṛvir vidathe śasyamānā / (2.1) Par.?

bhadrā vastrāṇy arjunā vasānā seyam asme sanajā pitryā dhīḥ // (2.2) Par.?

yamā cid atra yamasūr asūta jihvāyā agram patad ā hy asthāt / (3.1) Par.?

vapūṃṣi jātā mithunā sacete tamohanā tapuṣo budhna etā // (3.2) Par.?

nakir eṣāṃ ninditā martyeṣu ye asmākam pitaro goṣu yodhāḥ / (4.1) Par.?

indra eṣāṃ dṛṃhitā māhināvān ud gotrāṇi sasṛje daṃsanāvān // (4.2) Par.?

sakhā ha yatra sakhibhir navagvair abhijñv ā satvabhir gā anugman / (5.1) Par.?

satyaṃ tad indro daśabhir daśagvaiḥ sūryaṃ viveda tamasi kṣiyantam // (5.2) Par.?

indro madhu saṃbhṛtam usriyāyām padvad viveda śaphavan name goḥ / (6.1) Par.?

guhā hitaṃ guhyaṃ gūḍham apsu haste dadhe dakṣiṇe dakṣiṇāvān // (6.2) Par.?

jyotir vṛṇīta tamaso vijānann āre syāma duritād abhīke / (7.1) Par.?

imā giraḥ somapāḥ somavṛddha juṣasvendra purutamasya kāroḥ // (7.2) Par.?

jyotir yajñāya rodasī anu ṣyād āre syāma duritasya bhūreḥ / (8.1) Par.?

bhūri ciddhi tujato martyasya supārāso vasavo barhaṇāvat // (8.2) Par.?

śunaṃ huvema maghavānam indram asmin bhare nṛtamaṃ vājasātau / (9.1) Par.?

śṛṇvantam ugram ūtaye samatsu ghnantaṃ vṛtrāṇi saṃjitaṃ dhanānām // (9.2) Par.?