Texts

Help

Select a text:
Bibliography
Select a chapter:
 (no revisions)
Associated topic(s): Indra, Ṛbhus

Show parallels  Show headlines
Use dependency labeler
Chapter id: 10219
  • Click on a sentence to show its analysis
  • Keep the mouse pointer over a lemma to show its meanings.
iheha vo manasā bandhutā nara uśijo jagmur abhi tāni vedasā / (1.1) Par.?
yābhir māyābhiḥ pratijūtivarpasaḥ saudhanvanā yajñiyam bhāgam ānaśa // (1.2) Par.?
yābhiḥ śacībhiś camasāṁ apiṃśata yayā dhiyā gām ariṇīta carmaṇaḥ / (2.1) Par.?
yena harī manasā niratakṣata tena devatvam ṛbhavaḥ sam ānaśa // (2.2) Par.?
indrasya sakhyam ṛbhavaḥ sam ānaśur manor napāto apaso dadhanvire / (3.1) Par.?
saudhanvanāso amṛtatvam erire viṣṭvī śamībhiḥ sukṛtaḥ sukṛtyayā // (3.2) Par.?
indreṇa yātha sarathaṃ sute sacāṃ atho vaśānām bhavathā saha śriyā / (4.1) Par.?
na vaḥ pratimai sukṛtāni vāghataḥ saudhanvanā ṛbhavo vīryāṇi ca // (4.2) Par.?
indra ṛbhubhir vājavadbhiḥ samukṣitaṃ sutaṃ somam ā vṛṣasvā gabhastyoḥ / (5.1) Par.?
dhiyeṣito maghavan dāśuṣo gṛhe saudhanvanebhiḥ saha matsvā nṛbhiḥ // (5.2) Par.?
indra ṛbhumān vājavān matsveha no 'smin savane śacyā puruṣṭuta / (6.1) Par.?
imāni tubhyaṃ svasarāṇi yemire vratā devānām manuṣaś ca dharmabhiḥ // (6.2) Par.?
indra ṛbhubhir vājibhir vājayann iha stomaṃ jaritur upa yāhi yajñiyam / (7.1) Par.?
śataṃ ketebhir iṣirebhir āyave sahasraṇītho adhvarasya homani // (7.2) Par.?
Duration=0.10354900360107 secs.