Texts

Help

Select a text:
Bibliography
Select a chapter:
 (no revisions)
Associated topic(s): Maruts

Show parallels  Show headlines
Use dependency labeler
Chapter id: 9851
  • Click on a sentence to show its analysis
  • Keep the mouse pointer over a lemma to show its meanings.
abhrapruṣo na vācā pruṣā vasu haviṣmanto na yajñā vi jānuṣaḥ / (1.1) Par.?
sumārutaṃ na brahmāṇam arhase gaṇam astoṣy eṣāṃ na śobhase // (1.2) Par.?
śriye maryāso añjīṃr akṛṇvata sumārutaṃ na pūrvīr ati kṣapaḥ / (2.1) Par.?
divas putrāsa etā na yetira ādityāsas te akrā na vāvṛdhuḥ // (2.2) Par.?
pra ye divaḥ pṛthivyā na barhaṇā tmanā riricre abhrān na sūryaḥ / (3.1) Par.?
pājasvanto na vīrāḥ panasyavo riśādaso na maryā abhidyavaḥ // (3.2) Par.?
yuṣmākam budhne apāṃ na yāmani vithuryati na mahī śratharyati / (4.1) Par.?
viśvapsur yajño arvāg ayaṃ su vaḥ prayasvanto na satrāca ā gata // (4.2) Par.?
yūyaṃ dhūrṣu prayujo na raśmibhir jyotiṣmanto na bhāsā vyuṣṭiṣu / (5.1) Par.?
śyenāso na svayaśaso riśādasaḥ pravāso na prasitāsaḥ paripruṣaḥ // (5.2) Par.?
pra yad vahadhve marutaḥ parākād yūyam mahaḥ saṃvaraṇasya vasvaḥ / (6.1) Par.?
vidānāso vasavo rādhyasyārāc cid dveṣaḥ sanutar yuyota // (6.2) Par.?
ya udṛci yajñe adhvareṣṭhā marudbhyo na mānuṣo dadāśat / (7.1) Par.?
revat sa vayo dadhate suvīraṃ sa devānām api gopīthe astu // (7.2) Par.?
te hi yajñeṣu yajñiyāsa ūmā ādityena nāmnā śambhaviṣṭhāḥ / (8.1) Par.?
te no 'vantu rathatūr manīṣām mahaś ca yāmann adhvare cakānāḥ // (8.2) Par.?
Duration=0.037472009658813 secs.