Texts

Help

Select a text:
Bibliography
Select a chapter:
 (no revisions)
Associated topic(s): Agni Vaiśvānara

Show parallels  Show headlines
Use dependency labeler
Chapter id: 10801
  • Click on a sentence to show its analysis
  • Keep the mouse pointer over a lemma to show its meanings.
pra samrājo asurasya praśastim puṃsaḥ kṛṣṭīnām anumādyasya / (1.1) Par.?
indrasyeva pra tavasas kṛtāni vande dāruṃ vandamāno vivakmi // (1.2) Par.?
kaviṃ ketuṃ dhāsim bhānum adrer hinvanti śaṃ rājyaṃ rodasyoḥ / (2.1) Par.?
purandarasya gīrbhir ā vivāse 'gner vratāni pūrvyā mahāni // (2.2) Par.?
ny akratūn grathino mṛdhravācaḥ paṇīṃr aśraddhāṁ avṛdhāṁ ayajñān / (3.1) Par.?
pra pra tān dasyūṃr agnir vivāya pūrvaś cakārāparāṁ ayajyūn // (3.2) Par.?
yo apācīne tamasi madantīḥ prācīś cakāra nṛtamaḥ śacībhiḥ / (4.1) Par.?
tam īśānaṃ vasvo agniṃ gṛṇīṣe 'nānataṃ damayantam pṛtanyūn // (4.2) Par.?
yo dehyo anamayad vadhasnair yo aryapatnīr uṣasaś cakāra / (5.1) Par.?
sa nirudhyā nahuṣo yahvo agnir viśaś cakre balihṛtaḥ sahobhiḥ // (5.2) Par.?
yasya śarmann upa viśve janāsa evais tasthuḥ sumatim bhikṣamāṇāḥ / (6.1) Par.?
vaiśvānaro varam ā rodasyor āgniḥ sasāda pitror upastham // (6.2) Par.?
ā devo dade budhnyā vasūni vaiśvānara uditā sūryasya / (7.1) Par.?
ā samudrād avarād ā parasmād āgnir dade diva ā pṛthivyāḥ // (7.2) Par.?
Duration=0.062410116195679 secs.