Texts

Help

Select a text:
Bibliography
Select a chapter:
 (no revisions)
Associated topic(s): Agni

Show parallels  Show headlines
Use dependency labeler
Chapter id: 10805
  • Click on a sentence to show its analysis
  • Keep the mouse pointer over a lemma to show its meanings.
abodhi jāra uṣasām upasthāddhotā mandraḥ kavitamaḥ pāvakaḥ / (1.1) Par.?
dadhāti ketum ubhayasya jantor havyā deveṣu draviṇaṃ sukṛtsu // (1.2) Par.?
sa sukratur yo vi duraḥ paṇīnām punāno arkam purubhojasaṃ naḥ / (2.1) Par.?
hotā mandro viśāṃ damūnās tiras tamo dadṛśe rāmyāṇām // (2.2) Par.?
amūraḥ kavir aditir vivasvān susaṃsan mitro atithiḥ śivo naḥ / (3.1) Par.?
citrabhānur uṣasām bhāty agre 'pāṃ garbhaḥ prasva ā viveśa // (3.2) Par.?
īᄆenyo vo manuṣo yugeṣu samanagā aśucaj jātavedāḥ / (4.1) Par.?
susaṃdṛśā bhānunā yo vibhāti prati gāvaḥ samidhānam budhanta // (4.2) Par.?
agne yāhi dūtyam mā riṣaṇyo devāṁ acchā brahmakṛtā gaṇena / (5.1) Par.?
sarasvatīm maruto aśvināpo yakṣi devān ratnadheyāya viśvān // (5.2) Par.?
tvām agne samidhāno vasiṣṭho jarūthaṃ han yakṣi rāye purandhim / (6.1) Par.?
puruṇīthā jātavedo jarasva yūyam pāta svastibhiḥ sadā naḥ // (6.2) Par.?
Duration=0.034938097000122 secs.