Texts

Help

Select a text:
Bibliography
Select a chapter:
 (no revisions)
Associated topic(s): Indra

Show parallels  Show headlines
Use dependency labeler
Chapter id: 9879
  • Click on a sentence to show its analysis
  • Keep the mouse pointer over a lemma to show its meanings.
kadā vaso stotraṃ haryata āva śmaśā rudhad vāḥ / (1.1) Par.?
dīrghaṃ sutaṃ vātāpyāya // (1.2) Par.?
harī yasya suyujā vivratā ver arvantānu śepā / (2.1) Par.?
ubhā rajī na keśinā patir dan // (2.2) Par.?
apa yor indraḥ pāpaja ā marto na śaśramāṇo bibhīvān / (3.1) Par.?
śubhe yad yuyuje taviṣīvān // (3.2) Par.?
sacāyor indraś carkṛṣa āṃ upānasaḥ saparyan / (4.1) Par.?
nadayor vivratayoḥ śūra indraḥ // (4.2) Par.?
adhi yas tasthau keśavantā vyacasvantā na puṣṭyai / (5.1) Par.?
vanoti śiprābhyāṃ śipriṇīvān // (5.2) Par.?
prāstaud ṛṣvaujā ṛṣvebhis tatakṣa śūraḥ śavasā / (6.1) Par.?
ṛbhur na kratubhir mātariśvā // (6.2) Par.?
vajraṃ yaś cakre suhanāya dasyave hirīmaśo hirīmān / (7.1) Par.?
arutahanur adbhutaṃ na rajaḥ // (7.2) Par.?
ava no vṛjinā śiśīhy ṛcā vanemānṛcaḥ / (8.1) Par.?
nābrahmā yajña ṛdhag joṣati tve // (8.2) Par.?
ūrdhvā yat te tretinī bhūd yajñasya dhūrṣu sadman / (9.1) Par.?
sajūr nāvaṃ svayaśasaṃ sacāyoḥ // (9.2) Par.?
śriye te pṛśnir upasecanī bhūcchriye darvir arepāḥ / (10.1) Par.?
yayā sve pātre siñcasa ut // (10.2) Par.?
śataṃ vā yad asurya prati tvā sumitra itthāstaud durmitra itthāstaut / (11.1) Par.?
āvo yad dasyuhatye kutsaputram prāvo yad dasyuhatye kutsavatsam // (11.2) Par.?
Duration=0.060528993606567 secs.