Texts

Help

Select a text:
Bibliography
Select a chapter:
 (no revisions)
Associated topic(s): Aśvins

Show parallels  Show headlines
Use dependency labeler
Chapter id: 10332
  • Click on a sentence to show its analysis
  • Keep the mouse pointer over a lemma to show its meanings.
prati priyatamaṃ rathaṃ vṛṣaṇaṃ vasuvāhanam / (1.1) Par.?
stotā vām aśvināv ṛṣi stomena prati bhūṣati mādhvī mama śrutaṃ havam // (1.2) Par.?
atyāyātam aśvinā tiro viśvā ahaṃ sanā / (2.1) Par.?
dasrā hiraṇyavartanī suṣumnā sindhuvāhasā mādhvī mama śrutaṃ havam // (2.2) Par.?
ā no ratnāni bibhratāv aśvinā gacchataṃ yuvam / (3.1) Par.?
rudrā hiraṇyavartanī juṣāṇā vājinīvasū mādhvī mama śrutaṃ havam // (3.2) Par.?
suṣṭubho vāṃ vṛṣaṇvasū rathe vāṇīcy āhitā / (4.1) Par.?
uta vāṃ kakuho mṛgaḥ pṛkṣaḥ kṛṇoti vāpuṣo mādhvī mama śrutaṃ havam // (4.2) Par.?
bodhinmanasā rathyeṣirā havanaśrutā / (5.1) Par.?
vibhiś cyavānam aśvinā ni yātho advayāvinam mādhvī mama śrutaṃ havam // (5.2) Par.?
ā vāṃ narā manoyujo 'śvāsaḥ pruṣitapsavaḥ / (6.1) Par.?
vayo vahantu pītaye saha sumnebhir aśvinā mādhvī mama śrutaṃ havam // (6.2) Par.?
aśvināv eha gacchataṃ nāsatyā mā vi venatam / (7.1) Par.?
tiraś cid aryayā pari vartir yātam adābhyā mādhvī mama śrutaṃ havam // (7.2) Par.?
asmin yajñe adābhyā jaritāraṃ śubhas patī / (8.1) Par.?
avasyum aśvinā yuvaṃ gṛṇantam upa bhūṣatho mādhvī mama śrutaṃ havam // (8.2) Par.?
abhūd uṣā ruśatpaśur āgnir adhāyy ṛtviyaḥ / (9.1) Par.?
ayoji vāṃ vṛṣaṇvasū ratho dasrāv amartyo mādhvī mama śrutaṃ havam // (9.2) Par.?
Duration=0.12507700920105 secs.