Texts

yad adya sūrya bravo 'nāgā udyan mitrāya varuṇāya satyam / (1.1) Par.?

vayaṃ devatrādite syāma tava priyāso aryaman gṛṇantaḥ // (1.2) Par.?

eṣa sya mitrāvaruṇā nṛcakṣā ubhe ud eti sūryo abhi jman / (2.1) Par.?

viśvasya sthātur jagataś ca gopā ṛju marteṣu vṛjinā ca paśyan // (2.2) Par.?

ayukta sapta haritaḥ sadhasthād yā īṃ vahanti sūryaṃ ghṛtācīḥ / (3.1) Par.?

dhāmāni mitrāvaruṇā yuvākuḥ saṃ yo yūtheva janimāni caṣṭe // (3.2) Par.?

ud vām pṛkṣāso madhumanto asthur ā sūryo aruhacchukram arṇaḥ / (4.1) Par.?

yasmā ādityā adhvano radanti mitro aryamā varuṇaḥ sajoṣāḥ // (4.2) Par.?

ime cetāro anṛtasya bhūrer mitro aryamā varuṇo hi santi / (5.1) Par.?

ima ṛtasya vāvṛdhur duroṇe śagmāsaḥ putrā aditer adabdhāḥ // (5.2) Par.?

ime mitro varuṇo dūﾱabhāso 'cetasaṃ cic citayanti dakṣaiḥ / (6.1) Par.?

api kratuṃ sucetasaṃ vatantas tiraś cid aṃhaḥ supathā nayanti // (6.2) Par.?

ime divo animiṣā pṛthivyāś cikitvāṃso acetasaṃ nayanti / (7.1) Par.?

pravrāje cin nadyo gādham asti pāraṃ no asya viṣpitasya parṣan // (7.2) Par.?

yad gopāvad aditiḥ śarma bhadram mitro yacchanti varuṇaḥ sudāse / (8.1) Par.?

tasminn ā tokaṃ tanayaṃ dadhānā mā karma devaheﾱanaṃ turāsaḥ // (8.2) Par.?

ava vediṃ hotrābhir yajeta ripaḥ kāścid varuṇadhrutaḥ saḥ / (9.1) Par.?

pari dveṣobhir aryamā vṛṇaktūruṃ sudāse vṛṣaṇā u lokam // (9.2) Par.?

sasvaś ciddhi samṛtis tveṣy eṣām apīcyena sahasā sahante / (10.1) Par.?

yuṣmad bhiyā vṛṣaṇo rejamānā dakṣasya cin mahinā mṛﾱatā naḥ // (10.2) Par.?

yo brahmaṇe sumatim āyajāte vājasya sātau paramasya rāyaḥ / (11.1) Par.?

sīkṣanta manyum maghavāno arya uru kṣayāya cakrire sudhātu // (11.2) Par.?

iyaṃ deva purohitir yuvabhyāṃ yajñeṣu mitrāvaruṇāv akāri / (12.1) Par.?

viśvāni durgā pipṛtaṃ tiro no yūyam pāta svastibhiḥ sadā naḥ // (12.2) Par.?