Texts

ko veda jānam eṣāṃ ko vā purā sumneṣv āsa marutām / (1.1) Par.?

yad yuyujre kilāsyaḥ // (1.2) Par.?

aitān ratheṣu tasthuṣaḥ kaḥ śuśrāva kathā yayuḥ / (2.1) Par.?

kasmai sasruḥ sudāse anv āpaya iﾱābhir vṛṣṭayaḥ saha // (2.2) Par.?

te ma āhur ya āyayur upa dyubhir vibhir made / (3.1) Par.?

naro maryā arepasa imān paśyann iti ṣṭuhi // (3.2) Par.?

ye añjiṣu ye vāśīṣu svabhānavaḥ srakṣu rukmeṣu khādiṣu / (4.1) Par.?

śrāyā ratheṣu dhanvasu // (4.2) Par.?

yuṣmākaṃ smā rathāṁ anu mude dadhe maruto jīradānavaḥ / (5.1) Par.?

vṛṣṭī dyāvo yatīr iva // (5.2) Par.?

ā yaṃ naraḥ sudānavo dadāśuṣe divaḥ kośam acucyavuḥ / (6.1) Par.?

vi parjanyaṃ sṛjanti rodasī anu dhanvanā yanti vṛṣṭayaḥ // (6.2) Par.?

tatṛdānāḥ sindhavaḥ kṣodasā rajaḥ pra sasrur dhenavo yathā / (7.1) Par.?

syannā aśvā ivādhvano vimocane vi yad vartanta enyaḥ // (7.2) Par.?

ā yāta maruto diva āntarikṣād amād uta / (8.1) Par.?

māva sthāta parāvataḥ // (8.2) Par.?

mā vo rasānitabhā kubhā krumur mā vaḥ sindhur ni rīramat / (9.1) Par.?

mā vaḥ pari ṣṭhāt sarayuḥ purīṣiṇy asme it sumnam astu vaḥ // (9.2) Par.?

taṃ vaḥ śardhaṃ rathānāṃ tveṣaṃ gaṇam mārutaṃ navyasīnām / (10.1) Par.?

anu pra yanti vṛṣṭayaḥ // (10.2) Par.?

śardhaṃ śardhaṃ va eṣāṃ vrātaṃ vrātaṃ gaṇaṃ gaṇaṃ suśastibhiḥ / (11.1) Par.?

anu krāmema dhītibhiḥ // (11.2) Par.?

kasmā adya sujātāya rātahavyāya pra yayuḥ / (12.1) Par.?

enā yāmena marutaḥ // (12.2) Par.?

yena tokāya tanayāya dhānyam bījaṃ vahadhve akṣitam / (13.1) Par.?

asmabhyaṃ tad dhattana yad va īmahe rādho viśvāyu saubhagam // (13.2) Par.?

atīyāma nidas tiraḥ svastibhir hitvāvadyam arātīḥ / (14.1) Par.?

vṛṣṭvī śaṃ yor āpa usri bheṣajaṃ syāma marutaḥ saha // (14.2) Par.?

sudevaḥ samahāsati suvīro naro marutaḥ sa martyaḥ / (15.1) Par.?

yaṃ trāyadhve syāma te // (15.2) Par.?

stuhi bhojān stuvato asya yāmani raṇan gāvo na yavase / (16.1) Par.?

yataḥ pūrvāṁ iva sakhīṃr anu hvaya girā gṛṇīhi kāminaḥ // (16.2) Par.?