Texts

Help

Select a text:
Bibliography
Select a chapter:
 (no revisions)
Associated topic(s): Agni, Soma

Show parallels  Show headlines
Use dependency labeler
Chapter id: 10157
  • Click on a sentence to show its analysis
  • Keep the mouse pointer over a lemma to show its meanings.
agnīṣomāv imaṃ su me śṛṇutaṃ vṛṣaṇā havam / (1.1) Par.?
prati sūktāni haryatam bhavataṃ dāśuṣe mayaḥ // (1.2) Par.?
agnīṣomā yo adya vām idaṃ vacaḥ saparyati / (2.1) Par.?
tasmai dhattaṃ suvīryaṃ gavām poṣaṃ svaśvyam // (2.2) Par.?
agnīṣomā ya āhutiṃ yo vāṃ dāśāddhaviṣkṛtim / (3.1) Par.?
sa prajayā suvīryaṃ viśvam āyur vy aśnavat // (3.2) Par.?
agnīṣomā ceti tad vīryaṃ vāṃ yad amuṣṇītam avasam paṇiṃ gāḥ / (4.1) Par.?
avātiratam bṛsayasya śeṣo 'vindataṃ jyotir ekam bahubhyaḥ // (4.2) Par.?
yuvam etāni divi rocanāny agniś ca soma sakratū adhattam / (5.1) Par.?
yuvaṃ sindhūṃr abhiśaster avadyād agnīṣomāv amuñcataṃ gṛbhītān // (5.2) Par.?
ānyaṃ divo mātariśvā jabhārāmathnād anyam pari śyeno adreḥ / (6.1) Par.?
agnīṣomā brahmaṇā vāvṛdhānoruṃ yajñāya cakrathur u lokam // (6.2) Par.?
agnīṣomā haviṣaḥ prasthitasya vītaṃ haryataṃ vṛṣaṇā juṣethām / (7.1) Par.?
suśarmāṇā svavasā hi bhūtam athā dhattaṃ yajamānāya śaṃ yoḥ // (7.2) Par.?
yo agnīṣomā haviṣā saparyād devadrīcā manasā yo ghṛtena / (8.1) Par.?
tasya vrataṃ rakṣatam pātam aṃhaso viśe janāya mahi śarma yacchatam // (8.2) Par.?
agnīṣomā savedasā sahūtī vanataṃ giraḥ / (9.1) Par.?
saṃ devatrā babhūvathuḥ // (9.2) Par.?
agnīṣomāv anena vāṃ yo vāṃ ghṛtena dāśati / (10.1) Par.?
tasmai dīdayatam bṛhat // (10.2) Par.?
agnīṣomāv imāni no yuvaṃ havyā jujoṣatam / (11.1) Par.?
ā yātam upa naḥ sacā // (11.2) Par.?
agnīṣomā pipṛtam arvato na ā pyāyantām usriyā havyasūdaḥ / (12.1) Par.?
asme balāni maghavatsu dhattaṃ kṛṇutaṃ no adhvaraṃ śruṣṭimantam // (12.2) Par.?
Duration=0.049325942993164 secs.