Texts

Help

Select a text:
Bibliography
Select a chapter:
 (no revisions)
Associated topic(s): Soma

Show parallels  Show headlines
Use dependency labeler
Chapter id: 10741
  • Click on a sentence to show its analysis
  • Keep the mouse pointer over a lemma to show its meanings.
upāsmai gāyatā naraḥ pavamānāyendave / (1.1) Par.?
abhi devāṁ iyakṣate // (1.2) Par.?
abhi te madhunā payo 'tharvāṇo aśiśrayuḥ / (2.1) Par.?
devaṃ devāya devayu // (2.2) Par.?
sa naḥ pavasva śaṃ gave śaṃ janāya śam arvate / (3.1) Par.?
śaṃ rājann oṣadhībhyaḥ // (3.2) Par.?
babhrave nu svatavase 'ruṇāya divispṛśe / (4.1) Par.?
somāya gātham arcata // (4.2) Par.?
hastacyutebhir adribhiḥ sutaṃ somam punītana / (5.1) Par.?
madhāv ā dhāvatā madhu // (5.2) Par.?
namased upa sīdata dadhned abhi śrīṇītana / (6.1) Par.?
indum indre dadhātana // (6.2) Par.?
amitrahā vicarṣaṇiḥ pavasva soma śaṃ gave / (7.1) Par.?
devebhyo anukāmakṛt // (7.2) Par.?
indrāya soma pātave madāya pari ṣicyase / (8.1) Par.?
manaścin manasas patiḥ // (8.2) Par.?
pavamāna suvīryaṃ rayiṃ soma rirīhi naḥ / (9.1) Par.?
indav indreṇa no yujā // (9.2) Par.?
Duration=0.04813814163208 secs.