Texts

Help

Select a text:
Bibliography
Select a chapter:
 (no revisions)
Associated topic(s): Varuṇa

Show parallels  Show headlines
Use dependency labeler
Chapter id: 10937
  • Click on a sentence to show its analysis
  • Keep the mouse pointer over a lemma to show its meanings.
dhīrā tv asya mahinā janūṃṣi vi yas tastambha rodasī cid urvī / (1.1) Par.?
pra nākam ṛṣvaṃ nunude bṛhantaṃ dvitā nakṣatram paprathac ca bhūma // (1.2) Par.?
uta svayā tanvā saṃ vade tat kadā nv antar varuṇe bhuvāni / (2.1) Par.?
kim me havyam ahṛṇāno juṣeta kadā mṛﾱīkaṃ sumanā abhi khyam // (2.2) Par.?
pṛcche tad eno varuṇa didṛkṣūpo emi cikituṣo vipṛccham / (3.1) Par.?
samānam in me kavayaś cid āhur ayaṃ ha tubhyaṃ varuṇo hṛṇīte // (3.2) Par.?
kim āga āsa varuṇa jyeṣṭhaṃ yat stotāraṃ jighāṃsasi sakhāyam / (4.1) Par.?
pra tan me voco dūﾱabha svadhāvo 'va tvānenā namasā tura iyām // (4.2) Par.?
ava drugdhāni pitryā sṛjā no 'va yā vayaṃ cakṛmā tanūbhiḥ / (5.1) Par.?
ava rājan paśutṛpaṃ na tāyuṃ sṛjā vatsaṃ na dāmno vasiṣṭham // (5.2) Par.?
na sa svo dakṣo varuṇa dhrutiḥ sā surā manyur vibhīdako acittiḥ / (6.1) Par.?
asti jyāyān kanīyasa upāre svapnaś caned anṛtasya prayotā // (6.2) Par.?
araṃ dāso na mīﾱhuṣe karāṇy ahaṃ devāya bhūrṇaye 'nāgāḥ / (7.1) Par.?
acetayad acito devo aryo gṛtsaṃ rāye kavitaro junāti // (7.2) Par.?
ayaṃ su tubhyaṃ varuṇa svadhāvo hṛdi stoma upaśritaś cid astu / (8.1) Par.?
śaṃ naḥ kṣeme śam u yoge no astu yūyam pāta svastibhiḥ sadā naḥ // (8.2) Par.?
Duration=0.11215090751648 secs.