Texts

asāvi devaṃ goṛjīkam andho ny asminn indro januṣem uvoca / (1.1) Par.?

bodhāmasi tvā haryaśva yajñair bodhā na stomam andhaso madeṣu // (1.2) Par.?

pra yanti yajñaṃ vipayanti barhiḥ somamādo vidathe dudhravācaḥ / (2.1) Par.?

ny u bhriyante yaśaso gṛbhād ā dūraupabdo vṛṣaṇo nṛṣācaḥ // (2.2) Par.?

tvam indra sravitavā apas kaḥ pariṣṭhitā ahinā śūra pūrvīḥ / (3.1) Par.?

tvad vāvakre rathyo na dhenā rejante viśvā kṛtrimāṇi bhīṣā // (3.2) Par.?

bhīmo viveṣāyudhebhir eṣām apāṃsi viśvā naryāṇi vidvān / (4.1) Par.?

indraḥ puro jarhṛṣāṇo vi dūdhod vi vajrahasto mahinā jaghāna // (4.2) Par.?

na yātava indra jūjuvur no na vandanā śaviṣṭha vedyābhiḥ / (5.1) Par.?

sa śardhad aryo viṣuṇasya jantor mā śiśnadevā api gur ṛtaṃ naḥ // (5.2) Par.?

abhi kratvendra bhūr adha jman na te vivyaṅ mahimānaṃ rajāṃsi / (6.1) Par.?

svenā hi vṛtraṃ śavasā jaghantha na śatrur antaṃ vividad yudhā te // (6.2) Par.?

devāś cit te asuryāya pūrve 'nu kṣatrāya mamire sahāṃsi / (7.1) Par.?

indro maghāni dayate viṣahyendraṃ vājasya johuvanta sātau // (7.2) Par.?

kīriś ciddhi tvām avase juhāveśānam indra saubhagasya bhūreḥ / (8.1) Par.?

avo babhūtha śatamūte asme abhikṣattus tvāvato varūtā // (8.2) Par.?

sakhāyas ta indra viśvaha syāma namovṛdhāso mahinā tarutra / (9.1) Par.?

vanvantu smā te 'vasā samīke 'bhītim aryo vanuṣāṃ śavāṃsi // (9.2) Par.?

sa na indra tvayatāyā iṣe dhās tmanā ca ye maghavāno junanti / (10.1) Par.?

vasvī ṣu te jaritre astu śaktir yūyam pāta svastibhiḥ sadā naḥ // (10.2) Par.?