Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Indra
Show parallels Show headlines
Use dependency labeler
Chapter id: 10066
- Click on a sentence to show its analysis
- Keep the mouse pointer over a lemma to show its meanings.
adhvaryavo bharatendrāya somam āmatrebhiḥ siñcatā madyam andhaḥ / (1.1) Par.?
kāmī hi vīraḥ sadam asya pītiṃ juhota vṛṣṇe tad id eṣa vaṣṭi // (1.2) Par.?
adhvaryavo yo apo vavrivāṃsaṃ vṛtraṃ jaghānāśanyeva vṛkṣam / (2.1) Par.?
tasmā etam bharata tadvaśāyaṁ eṣa indro arhati pītim asya // (2.2) Par.?
adhvaryavo yo dṛbhīkaṃ jaghāna yo gā udājad apa hi valaṃ vaḥ / (3.1) Par.?
tasmā etam antarikṣe na vātam indraṃ somair orṇuta jūr na vastraiḥ // (3.2) Par.?
adhvaryavo ya uraṇaṃ jaghāna nava cakhvāṃsaṃ navatiṃ ca bāhūn / (4.1) Par.?
yo arbudam ava nīcā babādhe tam indraṃ somasya bhṛthe hinota // (4.2) Par.?
adhvaryavo yaḥ sv aśnaṃ jaghāna yaḥ śuṣṇam aśuṣaṃ yo vyaṃsam / (5.1) Par.?
yaḥ pipruṃ namuciṃ yo rudhikrāṃ tasmā indrāyāndhaso juhota // (5.2) Par.?
adhvaryavo yaḥ śataṃ śambarasya puro bibhedāśmaneva pūrvīḥ / (6.1) Par.?
yo varcinaḥ śatam indraḥ sahasram apāvapad bharatā somam asmai // (6.2) Par.?
adhvaryavo yaḥ śatam ā sahasram bhūmyā upasthe 'vapaj jaghanvān / (7.1) Par.?
kutsasyāyor atithigvasya vīrān ny āvṛṇag bharatā somam asmai // (7.2) Par.?
adhvaryavo yan naraḥ kāmayādhve śruṣṭī vahanto naśathā tad indre / (8.1) Par.?
gabhastipūtam bharata śrutāyendrāya somaṃ yajyavo juhota // (8.2) Par.?
adhvaryavaḥ kartanā śruṣṭim asmai vane nipūtaṃ vana un nayadhvam / (9.1) Par.?
juṣāṇo hastyam abhi vāvaśe va indrāya somam madiraṃ juhota // (9.2) Par.?
adhvaryavaḥ payasodhar yathā goḥ somebhir īm pṛṇatā bhojam indram / (10.1) Par.?
Make us a glorious portion, o Aśvins; make it dear to our generous patrons like soma. (Jamison and Brereton (2014))
vedāham asya nibhṛtam ma etad ditsantam bhūyo yajataś ciketa // (10.2) Par.?
You become good fortune even for the woman growing old at home, the helpers even of the one lacking speed, even of the one furthest behind.
(Jamison and Brereton (2014))
adhvaryavo yo divyasya vasvo yaḥ pārthivasya kṣamyasya rājā / (11.1) Par.?
tam ūrdaraṃ na pṛṇatā yavenendraṃ somebhis tad apo vo astu // (11.2) Par.?
asmabhyaṃ tad vaso dānāya rādhaḥ sam arthayasva bahu te vasavyam / (12.1) Par.?
indra yac citraṃ śravasyā anu dyūn bṛhad vadema vidathe suvīrāḥ // (12.2) Par.?
Duration=0.066231966018677 secs.