Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Maruts
Show parallels Show headlines
Use dependency labeler
Chapter id: 10098
- Click on a sentence to show its analysis
- Keep the mouse pointer over a lemma to show its meanings.
dhārāvarā maruto dhṛṣṇvojaso mṛgā na bhīmās taviṣībhir arcinaḥ / (1.1) Par.?
agnayo na śuśucānā ṛjīṣiṇo bhṛmiṃ dhamanto apa gā avṛṇvata // (1.2) Par.?
dyāvo na stṛbhiś citayanta khādino vy abhriyā na dyutayanta vṛṣṭayaḥ / (2.1) Par.?
rudro yad vo maruto rukmavakṣaso vṛṣājani pṛśnyāḥ śukra ūdhani // (2.2) Par.?
ukṣante aśvāṁ atyāṁ ivājiṣu nadasya karṇais turayanta āśubhiḥ / (3.1) Par.?
hiraṇyaśiprā maruto davidhvataḥ pṛkṣaṃ yātha pṛṣatībhiḥ samanyavaḥ // (3.2) Par.?
pṛkṣe tā viśvā bhuvanā vavakṣire mitrāya vā sadam ā jīradānavaḥ / (4.1) Par.?
pṛṣadaśvāso anavabhrarādhasa ṛjipyāso na vayuneṣu dhūrṣadaḥ // (4.2) Par.?
indhanvabhir dhenubhī rapśadūdhabhir adhvasmabhiḥ pathibhir bhrājadṛṣṭayaḥ / (5.1) Par.?
ā haṃsāso na svasarāṇi gantana madhor madāya marutaḥ samanyavaḥ // (5.2) Par.?
ā no brahmāṇi marutaḥ samanyavo narāṃ na śaṃsaḥ savanāni gantana / (6.1) Par.?
aśvām iva pipyata dhenum ūdhani kartā dhiyaṃ jaritre vājapeśasam // (6.2) Par.?
taṃ no dāta maruto vājinaṃ ratha āpānam brahma citayad dive dive / (7.1) Par.?
iṣaṃ stotṛbhyo vṛjaneṣu kārave sanim medhām ariṣṭaṃ duṣṭaraṃ sahaḥ // (7.2) Par.?
yad yuñjate maruto rukmavakṣaso 'śvān ratheṣu bhaga ā sudānavaḥ / (8.1) Par.?
dhenur na śiśve svasareṣu pinvate janāya rātahaviṣe mahīm iṣam // (8.2) Par.?
yo no maruto vṛkatāti martyo ripur dadhe vasavo rakṣatā riṣaḥ / (9.1) Par.?
vartayata tapuṣā cakriyābhi tam ava rudrā aśaso hantanā vadhaḥ // (9.2) Par.?
citraṃ tad vo maruto yāma cekite pṛśnyā yad ūdhar apy āpayo duhuḥ / (10.1) Par.?
yad vā nide navamānasya rudriyās tritaṃ jarāya juratām adābhyāḥ // (10.2) Par.?
tān vo maho maruta evayāvno viṣṇor eṣasya prabhṛthe havāmahe / (11.1) Par.?
hiraṇyavarṇān kakuhān yatasruco brahmaṇyantaḥ śaṃsyaṃ rādha īmahe // (11.2) Par.?
te daśagvāḥ prathamā yajñam ūhire te no hinvantūṣaso vyuṣṭiṣu / (12.1) Par.?
uṣā na rāmīr aruṇair aporṇute maho jyotiṣā śucatā goarṇasā // (12.2) Par.?
te kṣoṇībhir aruṇebhir nāñjibhī rudrā ṛtasya sadaneṣu vāvṛdhuḥ / (13.1) Par.?
nimeghamānā atyena pājasā suścandraṃ varṇaṃ dadhire supeśasam // (13.2) Par.?
tāṁ iyāno mahi varūtham ūtaya upa ghed enā namasā gṛṇīmasi / (14.1) Par.?
trito na yān pañca hotṝn abhiṣṭaya āvavartad avarāñ cakriyāvase // (14.2) Par.?
yayā radhram pārayathāty aṃho yayā nido muñcatha vanditāram / (15.1) Par.?
arvācī sā maruto yā va ūtir o ṣu vāśreva sumatir jigātu // (15.2) Par.?
Duration=0.095456123352051 secs.