Texts

Help

Select a text:
Bibliography
Select a chapter:
 (no revisions)
Associated topic(s): Agni, Soma sacrifice

Show parallels  Show headlines
Use dependency labeler
Chapter id: 10101
  • Click on a sentence to show its analysis
  • Keep the mouse pointer over a lemma to show its meanings.
mandasva hotrād anu joṣam andhaso 'dhvaryavaḥ sa pūrṇāṃ vaṣṭy āsicam / (1.1) Par.?
tasmā etam bharata tadvaśo dadir hotrāt somaṃ draviṇodaḥ piba ṛtubhiḥ // (1.2) Par.?
yam u pūrvam ahuve tam idaṃ huve sed u havyo dadir yo nāma patyate / (2.1) Par.?
adhvaryubhiḥ prasthitaṃ somyam madhu potrāt somaṃ draviṇodaḥ piba ṛtubhiḥ // (2.2) Par.?
medyantu te vahnayo yebhir īyase 'riṣaṇyan vīḍayasvā vanaspate / (3.1) Par.?
āyūyā dhṛṣṇo abhigūryā tvaṃ neṣṭrāt somaṃ draviṇodaḥ piba ṛtubhiḥ // (3.2) Par.?
apāddhotrād uta potrād amattota neṣṭrād ajuṣata prayo hitam / (4.1) Par.?
turīyam pātram amṛktam amartyaṃ draviṇodāḥ pibatu drāviṇodasaḥ // (4.2) Par.?
arvāñcam adya yayyaṃ nṛvāhaṇaṃ rathaṃ yuñjāthām iha vāṃ vimocanam / (5.1) Par.?
pṛṅktaṃ havīṃṣi madhunā hi kaṃ gatam athā somam pibataṃ vājinīvasū // (5.2) Par.?
joṣy agne samidhaṃ joṣy āhutiṃ joṣi brahma janyaṃ joṣi suṣṭutim / (6.1) Par.?
viśvebhir viśvāṁ ṛtunā vaso maha uśan devāṁ uśataḥ pāyayā haviḥ // (6.2) Par.?
Duration=0.038837909698486 secs.