UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 10216
- Click on a sentence to show its analysis
- Keep the mouse pointer over a lemma to show its meanings.
pra me vivikvāṁ avidan manīṣāṃ dhenuṃ carantīm prayutām agopām / (1.1)
Par.?
sadyaś cid yā duduhe bhūri dhāser indras tad agniḥ panitāro asyāḥ // (1.2)
Par.?
indraḥ su pūṣā vṛṣaṇā suhastā divo na prītāḥ śaśayaṃ duduhre / (2.1) Par.?
viśve yad asyāṃ raṇayanta devāḥ pra vo 'tra vasavaḥ sumnam aśyām // (2.2)
Par.?
yā jāmayo vṛṣṇa icchanti śaktiṃ namasyantīr jānate garbham asmin / (3.1)
Par.?
acchā putraṃ dhenavo vāvaśānā mahaś caranti bibhrataṃ vapūṃṣi // (3.2)
Par.?
acchā vivakmi rodasī sumeke grāvṇo yujāno adhvare manīṣā / (4.1)
Par.?
imā u te manave bhūrivārā ūrdhvā bhavanti darśatā yajatrāḥ // (4.2)
Par.?
yā te jihvā madhumatī sumedhā agne deveṣūcyata urūcī / (5.1)
Par.?
tayeha viśvāṁ avase yajatrān ā sādaya pāyayā cā madhūni // (5.2)
Par.?
yā te agne parvatasyeva dhārā saścantī pīpayad deva citrā / (6.1)
Par.?
tām asmabhyam pramatiṃ jātavedo vaso rāsva sumatiṃ viśvajanyām // (6.2)
Par.?
Duration=0.030339002609253 secs.