UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 10655
- Click on a sentence to show its analysis
- Keep the mouse pointer over a lemma to show its meanings.
āśuṃ dadhikrāṃ tam u nu ṣṭavāma divas pṛthivyā uta carkirāma / (1.1)
Par.?
ucchantīr mām uṣasaḥ sūdayantv ati viśvāni duritāni parṣan // (1.2) Par.?
mahaś carkarmy arvataḥ kratuprā dadhikrāvṇaḥ puruvārasya vṛṣṇaḥ / (2.1)
Par.?
yam pūrubhyo dīdivāṃsaṃ nāgniṃ dadathur mitrāvaruṇā taturim // (2.2)
Par.?
yo aśvasya dadhikrāvṇo akārīt samiddhe agnā uṣaso vyuṣṭau / (3.1)
Par.?
anāgasaṃ tam aditiḥ kṛṇotu sa mitreṇa varuṇenā sajoṣāḥ // (3.2)
Par.?
dadhikrāvṇa iṣa ūrjo maho yad amanmahi marutāṃ nāma bhadram / (4.1)
Par.?
svastaye varuṇam mitram agniṃ havāmaha indraṃ vajrabāhum // (4.2)
Par.?
indram ived ubhaye vi hvayanta udīrāṇā yajñam upaprayantaḥ / (5.1)
Par.?
dadhikrām u sūdanam martyāya dadathur mitrāvaruṇā no aśvam // (5.2)
Par.?
dadhikrāvṇo akāriṣaṃ jiṣṇor aśvasya vājinaḥ / (6.1)
Par.?
surabhi no mukhā karat pra ṇa āyūṃṣi tāriṣat // (6.2)
Par.?
Duration=0.025388956069946 secs.