Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Indra
Show parallels Show headlines
Use dependency labeler
Chapter id: 10249
- Click on a sentence to show its analysis
- Keep the mouse pointer over a lemma to show its meanings.
try aryamā manuṣo devatātā trī rocanā divyā dhārayanta / (1.1) Par.?
arcanti tvā marutaḥ pūtadakṣās tvam eṣām ṛṣir indrāsi dhīraḥ // (1.2) Par.?
anu yad īm maruto mandasānam ārcann indram papivāṃsaṃ sutasya / (2.1) Par.?
ādatta vajram abhi yad ahiṃ hann apo yahvīr asṛjat sartavā u // (2.2) Par.?
uta brahmāṇo maruto me asyendraḥ somasya suṣutasya peyāḥ / (3.1) Par.?
taddhi havyam manuṣe gā avindad ahann ahim papivāṁ indro asya // (3.2) Par.?
ād rodasī vitaraṃ vi ṣkabhāyat saṃvivyānaś cid bhiyase mṛgaṃ kaḥ / (4.1) Par.?
jigartim indro apajargurāṇaḥ prati śvasantam ava dānavaṃ han // (4.2) Par.?
adha kratvā maghavan tubhyaṃ devā anu viśve adaduḥ somapeyam / (5.1) Par.?
yat sūryasya haritaḥ patantīḥ puraḥ satīr uparā etaśe kaḥ // (5.2) Par.?
nava yad asya navatiṃ ca bhogān sākaṃ vajreṇa maghavā vivṛścat / (6.1) Par.?
arcantīndram marutaḥ sadhasthe traiṣṭubhena vacasā bādhata dyām // (6.2) Par.?
sakhā sakhye apacat tūyam agnir asya kratvā mahiṣā trī śatāni / (7.1) Par.?
trī sākam indro manuṣaḥ sarāṃsi sutam pibad vṛtrahatyāya somam // (7.2) Par.?
trī yacchatā mahiṣāṇām agho mās trī sarāṃsi maghavā somyāpāḥ / (8.1) Par.?
kāraṃ na viśve ahvanta devā bharam indrāya yad ahiṃ jaghāna // (8.2) Par.?
uśanā yat sahasyair ayātaṃ gṛham indra jūjuvānebhir aśvaiḥ / (9.1) Par.?
vanvāno atra sarathaṃ yayātha kutsena devair avanor ha śuṣṇam // (9.2) Par.?
prānyac cakram avṛhaḥ sūryasya kutsāyānyad varivo yātave 'kaḥ / (10.1) Par.?
anāso dasyūṃr amṛṇo vadhena ni duryoṇa āvṛṇaṅ mṛdhravācaḥ // (10.2) Par.?
stomāsas tvā gaurivīter avardhann arandhayo vaidathināya piprum / (11.1) Par.?
ā tvām ṛjiśvā sakhyāya cakre pacan paktīr apibaḥ somam asya // (11.2) Par.?
navagvāsaḥ sutasomāsa indraṃ daśagvāso abhy arcanty arkaiḥ / (12.1) Par.?
gavyaṃ cid ūrvam apidhānavantaṃ taṃ cin naraḥ śaśamānā apa vran // (12.2) Par.?
katho nu te pari carāṇi vidvān vīryā maghavan yā cakartha / (13.1) Par.?
yā co nu navyā kṛṇavaḥ śaviṣṭha pred u tā te vidatheṣu bravāma // (13.2) Par.?
etā viśvā cakṛvāṁ indra bhūry aparīto januṣā vīryeṇa / (14.1) Par.?
yā cin nu vajrin kṛṇavo dadhṛṣvān na te vartā taviṣyā asti tasyāḥ // (14.2) Par.?
indra brahma kriyamāṇā juṣasva yā te śaviṣṭha navyā akarma / (15.1) Par.?
vastreva bhadrā sukṛtā vasūyū rathaṃ na dhīraḥ svapā atakṣam // (15.2) Par.?
Duration=0.054164886474609 secs.