Texts

tvaṃ no agne mahobhiḥ pāhi viśvasyā arāteḥ / (1.1) Par.?

uta dviṣo martyasya // (1.2) Par.?

nahi manyuḥ pauruṣeya īśe hi vaḥ priyajāta / (2.1) Par.?

tvam id asi kṣapāvān // (2.2) Par.?

sa no viśvebhir devebhir ūrjo napād bhadraśoce / (3.1) Par.?

rayiṃ dehi viśvavāram // (3.2) Par.?

na tam agne arātayo martaṃ yuvanta rāyaḥ / (4.1) Par.?

yaṃ trāyase dāśvāṃsam // (4.2) Par.?

yaṃ tvaṃ vipra medhasātāv agne hinoṣi dhanāya / (5.1) Par.?

sa tavotī goṣu gantā // (5.2) Par.?

tvaṃ rayim puruvīram agne dāśuṣe martāya / (6.1) Par.?

pra ṇo naya vasyo accha // (6.2) Par.?

uruṣyā ṇo mā parā dā aghāyate jātavedaḥ / (7.1) Par.?

durādhye martāya // (7.2) Par.?

agne mākiṣ ṭe devasya rātim adevo yuyota / (8.1) Par.?

tvam īśiṣe vasūnām // (8.2) Par.?

sa no vasva upa māsy ūrjo napān māhinasya / (9.1) Par.?

sakhe vaso jaritṛbhyaḥ // (9.2) Par.?

acchā naḥ śīraśociṣaṃ giro yantu darśatam / (10.1) Par.?

acchā yajñāso namasā purūvasum purupraśastam ūtaye // (10.2) Par.?

agniṃ sūnuṃ sahaso jātavedasaṃ dānāya vāryāṇām / (11.1) Par.?

dvitā yo bhūd amṛto martyeṣv ā hotā mandratamo viśi // (11.2) Par.?

agniṃ vo devayajyayāgnim prayaty adhvare / (12.1) Par.?

agniṃ dhīṣu prathamam agnim arvaty agniṃ kṣaitrāya sādhase // (12.2) Par.?

agnir iṣāṃ sakhye dadātu na īśe yo vāryāṇām / (13.1) Par.?

agniṃ toke tanaye śaśvad īmahe vasuṃ santaṃ tanūpām // (13.2) Par.?

agnim īﾱiṣvāvase gāthābhiḥ śīraśociṣam / (14.1) Par.?

agniṃ rāye purumīﾱha śrutaṃ naro 'gniṃ sudītaye chardiḥ // (14.2) Par.?

agniṃ dveṣo yotavai no gṛṇīmasy agniṃ śaṃ yoś ca dātave / (15.1) Par.?

viśvāsu vikṣv aviteva havyo bhuvad vastur ṛṣūṇām // (15.2) Par.?