UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 10313
- Click on a sentence to show its analysis
- Keep the mouse pointer over a lemma to show its meanings.
ā rudrāsa indravantaḥ sajoṣaso hiraṇyarathāḥ suvitāya gantana / (1.1)
Par.?
iyaṃ vo asmat prati haryate matis tṛṣṇaje na diva utsā udanyave // (1.2)
Par.?
vāśīmanta ṛṣṭimanto manīṣiṇaḥ sudhanvāna iṣumanto niṣaṅgiṇaḥ / (2.1)
Par.?
svaśvā stha surathāḥ pṛśnimātaraḥ svāyudhā maruto yāthanā śubham // (2.2) Par.?
dhūnutha dyām parvatān dāśuṣe vasu ni vo vanā jihate yāmano bhiyā / (3.1)
Par.?
kopayatha pṛthivīm pṛśnimātaraḥ śubhe yad ugrāḥ pṛṣatīr ayugdhvam // (3.2)
Par.?
vātatviṣo maruto varṣanirṇijo yamā iva susadṛśaḥ supeśasaḥ / (4.1)
Par.?
piśaṅgāśvā aruṇāśvā arepasaḥ pratvakṣaso mahinā dyaur ivoravaḥ // (4.2)
Par.?
purudrapsā añjimantaḥ sudānavas tveṣasaṃdṛśo anavabhrarādhasaḥ / (5.1)
Par.?
sujātāso januṣā rukmavakṣaso divo arkā amṛtaṃ nāma bhejire // (5.2)
Par.?
ṛṣṭayo vo maruto aṃsayor adhi saha ojo bāhvor vo balaṃ hitam / (6.1)
Par.?
nṛmṇā śīrṣasv āyudhā ratheṣu vo viśvā vaḥ śrīr adhi tanūṣu pipiśe // (6.2)
Par.?
gomad aśvāvad rathavat suvīraṃ candravad rādho maruto dadā naḥ / (7.1)
Par.?
praśastiṃ naḥ kṛṇuta rudriyāso bhakṣīya vo 'vaso daivyasya // (7.2)
Par.?
haye naro maruto mṛᄆatā nas tuvīmaghāso amṛtā ṛtajñāḥ / (8.1)
Par.?
satyaśrutaḥ kavayo yuvāno bṛhadgirayo bṛhad ukṣamāṇāḥ // (8.2)
Par.?
Duration=0.031254053115845 secs.