Texts

Help

Select a text:
Bibliography
Select a chapter:
 (no revisions)
Associated topic(s): Indra

Show parallels  Show headlines
Use dependency labeler
Chapter id: 9888
  • Click on a sentence to show its analysis
  • Keep the mouse pointer over a lemma to show its meanings.
tam asya dyāvāpṛthivī sacetasā viśvebhir devair anu śuṣmam āvatām / (1.1) Par.?
yad ait kṛṇvāno mahimānam indriyam pītvī somasya kratumāṁ avardhata // (1.2) Par.?
tam asya viṣṇur mahimānam ojasāṃśuṃ dadhanvān madhuno vi rapśate / (2.1) Par.?
devebhir indro maghavā sayāvabhir vṛtraṃ jaghanvāṁ abhavad vareṇyaḥ // (2.2) Par.?
vṛtreṇa yad ahinā bibhrad āyudhā samasthithā yudhaye śaṃsam āvide / (3.1) Par.?
viśve te atra marutaḥ saha tmanāvardhann ugra mahimānam indriyam // (3.2) Par.?
jajñāna eva vy abādhata spṛdhaḥ prāpaśyad vīro abhi pauṃsyaṃ raṇam / (4.1) Par.?
avṛścad adrim ava asyadaḥ sṛjad astabhnān nākaṃ svapasyayā pṛthum // (4.2) Par.?
ād indraḥ satrā taviṣīr apatyata varīyo dyāvāpṛthivī abādhata / (5.1) Par.?
avābharad dhṛṣito vajram āyasaṃ śevam mitrāya varuṇāya dāśuṣe // (5.2) Par.?
indrasyātra taviṣībhyo virapśina ṛghāyato araṃhayanta manyave / (6.1) Par.?
vṛtraṃ yad ugro vy avṛścad ojasāpo bibhrataṃ tamasā parīvṛtam // (6.2) Par.?
yā vīryāṇi prathamāni kartvā mahitvebhir yatamānau samīyatuḥ / (7.1) Par.?
dhvāntaṃ tamo 'va dadhvase hata indro mahnā pūrvahūtāv apatyata // (7.2) Par.?
viśve devāso adha vṛṣṇyāni te 'vardhayan somavatyā vacasyayā / (8.1) Par.?
raddhaṃ vṛtram ahim indrasya hanmanāgnir na jambhais tṛṣv annam āvayat // (8.2) Par.?
bhūri dakṣebhir vacanebhir ṛkvabhiḥ sakhyebhiḥ sakhyāni pra vocata / (9.1) Par.?
indro dhuniṃ ca cumuriṃ ca dambhayañchraddhāmanasyā śṛṇute dabhītaye // (9.2) Par.?
tvam purūṇy ā bharā svaśvyā yebhir maṃsai nivacanāni śaṃsan / (10.1) Par.?
sugebhir viśvā duritā tarema vido ṣu ṇa urviyā gādham adya // (10.2) Par.?
Duration=0.095988988876343 secs.