Texts

Help

Select a text:
Bibliography
Select a chapter:
 (no revisions)
Associated topic(s): Agni

Show parallels  Show headlines
Use dependency labeler
Chapter id: 9890
  • Click on a sentence to show its analysis
  • Keep the mouse pointer over a lemma to show its meanings.
citra icchiśos taruṇasya vakṣatho na yo mātarāv apyeti dhātave / (1.1) Par.?
anūdhā yadi jījanad adhā ca nu vavakṣa sadyo mahi dūtyaṃ caran // (1.2) Par.?
agnir ha nāma dhāyi dann apastamaḥ saṃ yo vanā yuvate bhasmanā datā / (2.1) Par.?
abhipramurā juhvā svadhvara ino na prothamāno yavase vṛṣā // (2.2) Par.?
taṃ vo viṃ na druṣadaṃ devam andhasa indum prothantam pravapantam arṇavam / (3.1) Par.?
āsā vahniṃ na śociṣā virapśinam mahivrataṃ na sarajantam adhvanaḥ // (3.2) Par.?
vi yasya te jrayasānasyājara dhakṣor na vātāḥ pari santy acyutāḥ / (4.1) Par.?
ā raṇvāso yuyudhayo na satvanaṃ tritaṃ naśanta pra śiṣanta iṣṭaye // (4.2) Par.?
sa id agniḥ kaṇvatamaḥ kaṇvasakhāryaḥ parasyāntarasya taruṣaḥ / (5.1) Par.?
agniḥ pātu gṛṇato agniḥ sūrīn agnir dadātu teṣām avo naḥ // (5.2) Par.?
vājintamāya sahyase supitrya tṛṣu cyavāno anu jātavedase / (6.1) Par.?
anudre cid yo dhṛṣatā varaṃ sate mahintamāya dhanvaned aviṣyate // (6.2) Par.?
evāgnir martaiḥ saha sūribhir vasu ṣṭave sahasaḥ sūnaro nṛbhiḥ / (7.1) Par.?
eva
indecl.
∞ agni
n.s.m.
marta
i.p.m.
saha
indecl.
sūri
i.p.m.
→ mānuṣa (7.2) [acl:rel]
vasu
ac.s.n.
sahas
g.s.n.
sūnara
n.s.m.
nṛ,
i.p.m.
mitrāso na ye sudhitā ṛtāyavo dyāvo na dyumnair abhi santi mānuṣān // (7.2) Par.?
mitra
n.p.m.
na
indecl.
yad
n.p.m.
sudhita
n.p.m.
ṛtāyu
n.p.m.
div
n.p.m.
na
indecl.
dyumna
i.p.n.
abhi
indecl.
as
3. pl., Pre. ind.
mānuṣa.
ac.p.m.
← sūri (7.1) [acl]
ūrjo napāt sahasāvann iti tvopastutasya vandate vṛṣā vāk / (8.1) Par.?
tvāṃ stoṣāma tvayā suvīrā drāghīya āyuḥ prataraṃ dadhānāḥ // (8.2) Par.?
iti tvāgne vṛṣṭihavyasya putrā upastutāsa ṛṣayo 'vocan / (9.1) Par.?
tāṃś ca pāhi gṛṇataś ca sūrīn vaṣaḍ vaṣaḍ ity ūrdhvāso anakṣan namo nama ity ūrdhvāso anakṣan // (9.2) Par.?
Duration=0.070633888244629 secs.