Texts

Help

Select a text:
Bibliography
Select a chapter:
 (no revisions)
Associated topic(s): Indra

Show parallels  Show headlines
Use dependency labeler
Chapter id: 9895
  • Click on a sentence to show its analysis
  • Keep the mouse pointer over a lemma to show its meanings.
tad id āsa bhuvaneṣu jyeṣṭhaṃ yato jajña ugras tveṣanṛmṇaḥ / (1.1) Par.?
sadyo jajñāno ni riṇāti śatrūn anu yaṃ viśve madanty ūmāḥ // (1.2) Par.?
vāvṛdhānaḥ śavasā bhūryojāḥ śatrur dāsāya bhiyasaṃ dadhāti / (2.1) Par.?
avyanac ca vyanac ca sasni saṃ te navanta prabhṛtā madeṣu // (2.2) Par.?
tve kratum api vṛñjanti viśve dvir yad ete trir bhavanty ūmāḥ / (3.1) Par.?
svādoḥ svādīyaḥ svādunā sṛjā sam adaḥ su madhu madhunābhi yodhīḥ // (3.2) Par.?
iti ciddhi tvā dhanā jayantam made made anumadanti viprāḥ / (4.1) Par.?
ojīyo dhṛṣṇo sthiram ā tanuṣva mā tvā dabhan yātudhānā durevāḥ // (4.2) Par.?
tvayā vayaṃ śāśadmahe raṇeṣu prapaśyanto yudhenyāni bhūri / (5.1) Par.?
codayāmi ta āyudhā vacobhiḥ saṃ te śiśāmi brahmaṇā vayāṃsi // (5.2) Par.?
stuṣeyyam puruvarpasam ṛbhvam inatamam āptyam āptyānām / (6.1) Par.?
ā darṣate śavasā sapta dānūn pra sākṣate pratimānāni bhūri // (6.2) Par.?
ni tad dadhiṣe 'varam paraṃ ca yasminn āvithāvasā duroṇe / (7.1) Par.?
ā mātarā sthāpayase jigatnū ata inoṣi karvarā purūṇi // (7.2) Par.?
imā brahma bṛhaddivo vivaktīndrāya śūṣam agriyaḥ svarṣāḥ / (8.1) Par.?
maho gotrasya kṣayati svarājo duraś ca viśvā avṛṇod apa svāḥ // (8.2) Par.?
evā mahān bṛhaddivo atharvāvocat svāṃ tanvam indram eva / (9.1) Par.?
svasāro mātaribhvarīr ariprā hinvanti ca śavasā vardhayanti ca // (9.2) Par.?
Duration=0.066142082214355 secs.