Texts

trir asmai sapta dhenavo duduhre satyām āśiram pūrvye vyomani / (1.1) Par.?

catvāry anyā bhuvanāni nirṇije cārūṇi cakre yad ṛtair avardhata // (1.2) Par.?

sa bhikṣamāṇo amṛtasya cāruṇa ubhe dyāvā kāvyenā vi śaśrathe / (2.1) Par.?

tejiṣṭhā apo maṃhanā pari vyata yadī devasya śravasā sado viduḥ // (2.2) Par.?

te asya santu ketavo 'mṛtyavo 'dābhyāso januṣī ubhe anu / (3.1) Par.?

yebhir nṛmṇā ca devyā ca punata ād id rājānam mananā agṛbhṇata // (3.2) Par.?

sa mṛjyamāno daśabhiḥ sukarmabhiḥ pra madhyamāsu mātṛṣu prame sacā / (4.1) Par.?

vratāni pāno amṛtasya cāruṇa ubhe nṛcakṣā anu paśyate viśau // (4.2) Par.?

sa marmṛjāna indriyāya dhāyasa obhe antā rodasī harṣate hitaḥ / (5.1) Par.?

vṛṣā śuṣmeṇa bādhate vi durmatīr ādediśānaḥ śaryaheva śurudhaḥ // (5.2) Par.?

sa mātarā na dadṛśāna usriyo nānadad eti marutām iva svanaḥ / (6.1) Par.?

jānann ṛtam prathamaṃ yat svarṇaram praśastaye kam avṛṇīta sukratuḥ // (6.2) Par.?

ruvati bhīmo vṛṣabhas taviṣyayā śṛṅge śiśāno hariṇī vicakṣaṇaḥ / (7.1) Par.?

ā yoniṃ somaḥ sukṛtaṃ ni ṣīdati gavyayī tvag bhavati nirṇig avyayī // (7.2) Par.?

śuciḥ punānas tanvam arepasam avye harir ny adhāviṣṭa sānavi / (8.1) Par.?

juṣṭo mitrāya varuṇāya vāyave tridhātu madhu kriyate sukarmabhiḥ // (8.2) Par.?

pavasva soma devavītaye vṛṣendrasya hārdi somadhānam ā viśa / (9.1) Par.?

purā no bādhād duritāti pāraya kṣetraviddhi diśa āhā vipṛcchate // (9.2) Par.?

hito na saptir abhi vājam arṣendrasyendo jaṭharam ā pavasva / (10.1) Par.?

nāvā na sindhum ati parṣi vidvāñchūro na yudhyann ava no nida spaḥ // (10.2) Par.?