Texts

Select a text:
Bibliography

Select a chapter:
(no revisions)

Associated topic(s): Indra, Nirṛti, Pūṣan

Show parallels Show headlines
Use dependency labeler

Chapter id: 9833

pra tāry āyuḥ prataraṃ navīya sthātāreva kratumatā rathasya / (1.1) Par.?

adha cyavāna ut tavīty artham parātaraṃ su nirṛtir jihītām // (1.2) Par.?

sāman nu rāye nidhiman nv annaṃ karāmahe su purudha śravāṃsi / (2.1) Par.?

tā no viśvāni jaritā mamattu parātaraṃ su nirṛtir jihītām // (2.2) Par.?

abhī ṣv aryaḥ pauṃsyair bhavema dyaur na bhūmiṃ girayo nājrān / (3.1) Par.?

tā no viśvāni jaritā ciketa parātaraṃ su nirṛtir jihītām // (3.2) Par.?

mo ṣu ṇaḥ soma mṛtyave parā dāḥ paśyema nu sūryam uccarantam / (4.1) Par.?

dyubhir hito jarimā sū no astu parātaraṃ su nirṛtir jihītām // (4.2) Par.?

asunīte mano asmāsu dhāraya jīvātave su pra tirā na āyuḥ / (5.1) Par.?

rārandhi naḥ sūryasya saṃdṛśi ghṛtena tvaṃ tanvaṃ vardhayasva // (5.2) Par.?

asunīte punar asmāsu cakṣuḥ punaḥ prāṇam iha no dhehi bhogam / (6.1) Par.?

jyok paśyema sūryam uccarantam anumate mṛḍayā naḥ svasti // (6.2) Par.?

punar no asum pṛthivī dadātu punar dyaur devī punar antarikṣam / (7.1) Par.?

punar naḥ somas tanvaṃ dadātu punaḥ pūṣā pathyāṃ yā svastiḥ // (7.2) Par.?

śaṃ rodasī subandhave yahvī ṛtasya mātarā / (8.1) Par.?

bharatām apa yad rapo dyauḥ pṛthivi kṣamā rapo mo ṣu te kiṃ canāmamat // (8.2) Par.?

ava dvake ava trikā divaś caranti bheṣajā / (9.1) Par.?

kṣamā cariṣṇv ekakam bharatām apa yad rapo dyauḥ pṛthivi kṣamā rapo mo ṣu te kiṃ canāmamat // (9.2) Par.?

sam indreraya gām anaḍvāhaṃ ya āvahad uśīnarāṇyā anaḥ / (10.1) Par.?

bharatām apa yad rapo dyauḥ pṛthivi kṣamā rapo mo ṣu te kiṃ canāmamat // (10.2) Par.?

Duration=0.20334386825562 secs.