Texts

Help

Select a text:
Bibliography
Select a chapter:
 (no revisions)
Associated topic(s): Mitra, Sūrya, Savitṛ, sun, Varuṇa

Show parallels  Show headlines
Use dependency labeler
Chapter id: 10906
  • Click on a sentence to show its analysis
  • Keep the mouse pointer over a lemma to show its meanings.
pra mitrayor varuṇayo stomo na etu śūṣyaḥ / (1.1) Par.?
namasvān tuvijātayoḥ // (1.2) Par.?
yā dhārayanta devāḥ sudakṣā dakṣapitarā / (2.1) Par.?
asuryāya pramahasā // (2.2) Par.?
tā na stipā tanūpā varuṇa jaritṝṇām / (3.1) Par.?
mitra sādhayataṃ dhiyaḥ // (3.2) Par.?
yad adya sūra udite 'nāgā mitro aryamā / (4.1) Par.?
suvāti savitā bhagaḥ // (4.2) Par.?
suprāvīr astu sa kṣayaḥ pra nu yāman sudānavaḥ / (5.1) Par.?
ye no aṃho 'tipiprati // (5.2) Par.?
uta svarājo aditir adabdhasya vratasya ye / (6.1) Par.?
maho rājāna īśate // (6.2) Par.?
prati vāṃ sūra udite mitraṃ gṛṇīṣe varuṇam / (7.1) Par.?
aryamaṇaṃ riśādasam // (7.2) Par.?
rāyā hiraṇyayā matir iyam avṛkāya śavase / (8.1) Par.?
iyaṃ viprā medhasātaye // (8.2) Par.?
te syāma deva varuṇa te mitra sūribhiḥ saha / (9.1) Par.?
iṣaṃ svaś ca dhīmahi // (9.2) Par.?
bahavaḥ sūracakṣaso 'gnijihvā ṛtāvṛdhaḥ / (10.1) Par.?
trīṇi ye yemur vidathāni dhītibhir viśvāni paribhūtibhiḥ // (10.2) Par.?
vi ye dadhuḥ śaradam māsam ād ahar yajñam aktuṃ cād ṛcam / (11.1) Par.?
anāpyaṃ varuṇo mitro aryamā kṣatraṃ rājāna āśata // (11.2) Par.?
tad vo adya manāmahe sūktaiḥ sūra udite / (12.1) Par.?
yad ohate varuṇo mitro aryamā yūyam ṛtasya rathyaḥ // (12.2) Par.?
ṛtāvāna ṛtajātā ṛtāvṛdho ghorāso anṛtadviṣaḥ / (13.1) Par.?
teṣāṃ vaḥ sumne succhardiṣṭame naraḥ syāma ye ca sūrayaḥ // (13.2) Par.?
ud u tyad darśataṃ vapur diva eti pratihvare / (14.1) Par.?
yad īm āśur vahati deva etaśo viśvasmai cakṣase aram // (14.2) Par.?
śīrṣṇaḥ śīrṣṇo jagatas tasthuṣas patiṃ samayā viśvam ā rajaḥ / (15.1) Par.?
sapta svasāraḥ suvitāya sūryaṃ vahanti harito rathe // (15.2) Par.?
tac cakṣur devahitaṃ śukram uccarat / (16.1) Par.?
paśyema śaradaḥ śataṃ jīvema śaradaḥ śatam // (16.2) Par.?
kāvyebhir adābhyā yātaṃ varuṇa dyumat / (17.1) Par.?
mitraś ca somapītaye // (17.2) Par.?
divo dhāmabhir varuṇa mitraś cā yātam adruhā / (18.1) Par.?
pibataṃ somam ātujī // (18.2) Par.?
ā yātam mitrāvaruṇā juṣāṇāv āhutiṃ narā / (19.1) Par.?
pātaṃ somam ṛtāvṛdhā // (19.2) Par.?
Duration=0.070833921432495 secs.