Texts

bṛhaspate prathamaṃ vāco agraṃ yat prairata nāmadheyaṃ dadhānāḥ / (1.1) Par.?

yad eṣāṃ śreṣṭhaṃ yad aripram āsīt preṇā tad eṣāṃ nihitaṃ guhāviḥ // (1.2) Par.?

saktum iva titaunā punanto yatra dhīrā manasā vācam akrata / (2.1) Par.?

atrā sakhāyaḥ sakhyāni jānate bhadraiṣāṃ lakṣmīr nihitādhi vāci // (2.2) Par.?

yajñena vācaḥ padavīyam āyan tām anv avindann ṛṣiṣu praviṣṭām / (3.1) Par.?

tām ābhṛtyā vy adadhuḥ purutrā tāṃ sapta rebhā abhi saṃ navante // (3.2) Par.?

uta tvaḥ paśyan na dadarśa vācam uta tvaḥ śṛṇvan na śṛṇoty enām / (4.1) Par.?

uto tvasmai tanvaṃ vi sasre jāyeva patya uśatī suvāsāḥ // (4.2) Par.?

uta tvaṃ sakhye sthirapītam āhur nainaṃ hinvanty api vājineṣu / (5.1) Par.?

adhenvā carati māyayaiṣa vācaṃ śuśruvāṁ aphalām apuṣpām // (5.2) Par.?

yas tityāja sacividaṃ sakhāyaṃ na tasya vācy api bhāgo asti / (6.1) Par.?

yad īṃ śṛṇoty alakaṃ śṛṇoti nahi praveda sukṛtasya panthām // (6.2) Par.?

akṣaṇvantaḥ karṇavantaḥ sakhāyo manojaveṣv asamā babhūvuḥ / (7.1) Par.?

ādaghnāsa upakakṣāsa u tve hradā iva snātvā u tve dadṛśre // (7.2) Par.?

hṛdā taṣṭeṣu manaso javeṣu yad brāhmaṇāḥ saṃyajante sakhāyaḥ / (8.1) Par.?

atrāha tvaṃ vi jahur vedyābhir ohabrahmāṇo vi caranty u tve // (8.2) Par.?

ime ye nārvāṅ na paraś caranti na brāhmaṇāso na sutekarāsaḥ / (9.1) Par.?

ta ete vācam abhipadya pāpayā sirīs tantraṃ tanvate aprajajñayaḥ // (9.2) Par.?

sarve nandanti yaśasāgatena sabhāsāhena sakhyā sakhāyaḥ / (10.1) Par.?

kilbiṣaspṛt pituṣaṇir hy eṣām araṃ hito bhavati vājināya // (10.2) Par.?

ṛcāṃ tvaḥ poṣam āste pupuṣvān gāyatraṃ tvo gāyati śakvarīṣu / (11.1) Par.?

brahmā tvo vadati jātavidyāṃ yajñasya mātrāṃ vi mimīta u tvaḥ // (11.2) Par.?