Texts

Help

Select a text:
Bibliography
Select a chapter:
 (no revisions)
Associated topic(s): Cosmogony (gen.)

Show parallels  Show headlines
Use dependency labeler
Chapter id: 10367
  • Click on a sentence to show its analysis
  • Keep the mouse pointer over a lemma to show its meanings.
brahmā devānāṃ prathamaḥ saṃbabhūva viśvasya kartā bhuvanasya goptā / (1.1) Par.?
sa brahmavidyāṃ sarvavidyāpratiṣṭhām atharvāya jyeṣṭhaputrāya prāha // (1.2) Par.?
atharvaṇe yāṃ pravadeta brahmā atharvā tāṃ purovācāṅgirase brahmavidyām / (2.1) Par.?
sa bhāradvājāya satyavahāya prāha bhāradvājo 'ṅgirase parāvarām // (2.2) Par.?
śaunako ha vai mahāśālo 'ṅgirasaṃ vidhivad upasannaḥ papraccha / (3.1) Par.?
kasmin nu bhagavo vijñāte sarvam idaṃ vijñātaṃ bhavatīti // (3.2) Par.?
tasmai sa hovāca / (4.1) Par.?
dve vidye veditavya iti ha sma yad brahmavido vadanti parā caivāparā ca // (4.2) Par.?
tatrāparā ṛgvedo yajurvedaḥ sāmavedo 'tharvavedaḥ śikṣā kalpo vyākaraṇaṃ niruktaṃ chando jyotiṣam iti / (5.1) Par.?
atha parā yayā tad akṣaram adhigamyate // (5.2) Par.?
yat tad adreśyam agrāhyam agotram avarṇam acakṣuḥśrotraṃ tad apāṇipādam / (6.1) Par.?
nityaṃ vibhuṃ sarvagataṃ susūkṣmaṃ tad avyayaṃ yad bhūtayoniṃ paripaśyanti dhīrāḥ // (6.2) Par.?
yathorṇanābhiḥ sṛjate gṛhṇate ca yathā pṛthivyām oṣadhayaḥ sambhavanti / (7.1) Par.?
yathā sataḥ puruṣāt keśalomāni tathākṣarāt sambhavatīha viśvam // (7.2) Par.?
tapasā cīyate brahma tato 'nnam abhijāyate / (8.1) Par.?
annāt prāṇo manaḥ satyaṃ lokāḥ karmasu cāmṛtam // (8.2) Par.?
yaḥ sarvajñaḥ sarvavid yasya jñānamayaṃ tapaḥ / (9.1) Par.?
tasmād etad brahma nāma rūpam annaṃ ca jāyate // (9.2) Par.?
Duration=0.043862104415894 secs.