UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 10947
- Click on a sentence to show its analysis
- Keep the mouse pointer over a lemma to show its meanings.
kuvid aṅga namasā ye vṛdhāsaḥ purā devā anavadyāsa āsan / (1.1)
Par.?
te vāyave manave bādhitāyāvāsayann uṣasaṃ sūryeṇa // (1.2)
Par.?
uśantā dūtā na dabhāya gopā māsaś ca pāthaḥ śaradaś ca pūrvīḥ / (2.1)
Par.?
indravāyū suṣṭutir vām iyānā mārḍīkam īṭṭe suvitaṃ ca navyam // (2.2) Par.?
pīvoannāṁ rayivṛdhaḥ sumedhāḥ śvetaḥ siṣakti niyutām abhiśrīḥ / (3.1)
Par.?
te vāyave samanaso vi tasthur viśven naraḥ svapatyāni cakruḥ // (3.2)
Par.?
yāvat taras tanvo yāvad ojo yāvan naraś cakṣasā dīdhyānāḥ / (4.1)
Par.?
śuciṃ somaṃ śucipā pātam asme indravāyū sadatam barhir edam // (4.2)
Par.?
niyuvānā niyuta spārhavīrā indravāyū sarathaṃ yātam arvāk / (5.1)
Par.?
idaṃ hi vām prabhṛtam madhvo agram adha prīṇānā vi mumuktam asme // (5.2)
Par.?
yā vāṃ śataṃ niyuto yāḥ sahasram indravāyū viśvavārāḥ sacante / (6.1)
Par.?
ābhir yātaṃ suvidatrābhir arvāk pātaṃ narā pratibhṛtasya madhvaḥ // (6.2)
Par.?
arvanto na śravaso bhikṣamāṇā indravāyū suṣṭutibhir vasiṣṭhāḥ / (7.1)
Par.?
vājayantaḥ sv avase huvema yūyam pāta svastibhiḥ sadā naḥ // (7.2)
Par.?
Duration=0.027560949325562 secs.