Texts

Help

Select a text:
Bibliography
Select a chapter:
 (no revisions)
Associated topic(s): Sarasvatī, Vāc, speech

Show parallels  Show headlines
Use dependency labeler
Chapter id: 9900
  • Click on a sentence to show its analysis
  • Keep the mouse pointer over a lemma to show its meanings.
ahaṃ rudrebhir vasubhiś carāmy aham ādityair uta viśvadevaiḥ / (1.1) Par.?
aham mitrāvaruṇobhā bibharmy aham indrāgnī aham aśvinobhā // (1.2) Par.?
ahaṃ somam āhanasam bibharmy ahaṃ tvaṣṭāram uta pūṣaṇam bhagam / (2.1) Par.?
ahaṃ dadhāmi draviṇaṃ haviṣmate suprāvye yajamānāya sunvate // (2.2) Par.?
ahaṃ rāṣṭrī saṃgamanī vasūnāṃ cikituṣī prathamā yajñiyānām / (3.1) Par.?
tām mā devā vy adadhuḥ purutrā bhūristhātrām bhūry āveśayantīm // (3.2) Par.?
mayā so annam atti yo vipaśyati yaḥ prāṇiti ya īṃ śṛṇoty uktam / (4.1) Par.?
amantavo māṃ ta upa kṣiyanti śrudhi śruta śraddhivaṃ te vadāmi // (4.2) Par.?
aham eva svayam idaṃ vadāmi juṣṭaṃ devebhir uta mānuṣebhiḥ / (5.1) Par.?
yaṃ kāmaye taṃ tam ugraṃ kṛṇomi tam brahmāṇaṃ tam ṛṣiṃ taṃ sumedhām // (5.2) Par.?
ahaṃ rudrāya dhanur ā tanomi brahmadviṣe śarave hantavā u / (6.1) Par.?
ahaṃ janāya samadaṃ kṛṇomy ahaṃ dyāvāpṛthivī ā viveśa // (6.2) Par.?
ahaṃ suve pitaram asya mūrdhan mama yonir apsv antaḥ samudre / (7.1) Par.?
tato vi tiṣṭhe bhuvanānu viśvotāmūṃ dyāṃ varṣmaṇopa spṛśāmi // (7.2) Par.?
aham eva vāta iva pra vāmy ārabhamāṇā bhuvanāni viśvā / (8.1) Par.?
paro divā para enā pṛthivyaitāvatī mahinā sam babhūva // (8.2) Par.?
Duration=0.12432599067688 secs.