Texts

Help

Select a text:
Bibliography
Select a chapter:
 (no revisions)
Associated topic(s): Agni, Indra

Show parallels  Show headlines
Use dependency labeler
Chapter id: 11237
  • Click on a sentence to show its analysis
  • Keep the mouse pointer over a lemma to show its meanings.
indrāgnī yuvaṃ su naḥ sahantā dāsatho rayim / (1.1) Par.?
yena dṛᄆhā samatsv ā vīᄆu cit sāhiṣīmahy agnir vaneva vāta in nabhantām anyake same // (1.2) Par.?
nahi vāṃ vavrayāmahe 'thendram id yajāmahe śaviṣṭhaṃ nṛṇāṃ naram / (2.1) Par.?
sa naḥ kadācid arvatā gamad ā vājasātaye gamad ā medhasātaye nabhantām anyake same // (2.2) Par.?
tā hi madhyam bharāṇām indrāgnī adhikṣitaḥ / (3.1) Par.?
tā u kavitvanā kavī pṛcchyamānā sakhīyate saṃ dhītam aśnutaṃ narā nabhantām anyake same // (3.2) Par.?
abhy arca nabhākavad indrāgnī yajasā girā / (4.1) Par.?
yayor viśvam idaṃ jagad iyaṃ dyauḥ pṛthivī mahy upasthe bibhṛto vasu nabhantām anyake same // (4.2) Par.?
pra brahmāṇi nabhākavad indrāgnibhyām irajyata / (5.1) Par.?
yā saptabudhnam arṇavaṃ jihmabāram aporṇuta indra īśāna ojasā nabhantām anyake same // (5.2) Par.?
api vṛśca purāṇavad vratater iva guṣpitam ojo dāsasya dambhaya / (6.1) Par.?
vayaṃ tad asya saṃbhṛtaṃ vasv indreṇa vi bhajemahi nabhantām anyake same // (6.2) Par.?
yad indrāgnī janā ime vihvayante tanā girā / (7.1) Par.?
asmākebhir nṛbhir vayaṃ sāsahyāma pṛtanyato vanuyāma vanuṣyato nabhantām anyake same // (7.2) Par.?
yā nu śvetāv avo diva uccarāta upa dyubhiḥ / (8.1) Par.?
indrāgnyor anu vratam uhānā yanti sindhavo yān sīm bandhād amuñcatāṃ nabhantām anyake same // (8.2) Par.?
pūrvīṣ ṭa indropamātayaḥ pūrvīr uta praśastayaḥ sūno hinvasya harivaḥ / (9.1) Par.?
vasvo vīrasyāpṛco yā nu sādhanta no dhiyo nabhantām anyake same // (9.2) Par.?
taṃ śiśītā suvṛktibhis tveṣaṃ satvānam ṛgmiyam / (10.1) Par.?
uto nu cid ya ojasā śuṣṇasyāṇḍāni bhedati jeṣat svarvatīr apo nabhantām anyake same // (10.2) Par.?
taṃ śiśītā svadhvaraṃ satyaṃ satvānam ṛtviyam / (11.1) Par.?
uto nu cid ya ohata āṇḍā śuṣṇasya bhedaty ajaiḥ svarvatīr apo nabhantām anyake same // (11.2) Par.?
evendrāgnibhyām pitṛvan navīyo mandhātṛvad aṅgirasvad avāci / (12.1) Par.?
tridhātunā śarmaṇā pātam asmān vayaṃ syāma patayo rayīṇām // (12.2) Par.?
Duration=0.047039985656738 secs.