Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 10475
  • Click on a sentence to show its analysis
  • Keep the mouse pointer over a lemma to show its meanings.
ā tvā gan rāṣṭraṃ saha varcasod ihi prāṅ viśāṃ patir ekarāṭ tvaṃ vi rāja / (1.1) Par.?
sarvās tvā rājan pradiśo hvayantūpasadyo namasyo bhaveha // (1.2) Par.?
tvāṃ viśo vṛṇatāṃ rājyāya tvām imāḥ pradiśaḥ pañca devīḥ / (2.1) Par.?
varṣman rāṣṭrasya kakudi śrayasva tato na ugro vi bhajā vasūni // (2.2) Par.?
accha tvā yantu havinaḥ sajātā agnir dūto ajiraḥ saṃ carātai / (3.1) Par.?
jāyāḥ putrāḥ sumanaso bhavantu bahuṃ baliṃ prati paśyāsā ugraḥ // (3.2) Par.?
aśvinā tvāgre mitrāvaruṇobhā viśve devā marutas tvā hvayantu / (4.1) Par.?
adhā mano vasudeyāya kṛṇuṣva tato na ugro vi bhajā vasūni // (4.2) Par.?
ā pra drava paramasyāḥ parāvataḥ śive te dyāvāpṛthivī ubhe stām / (5.1) Par.?
tad ayaṃ rājā varuṇas tathāha sa tvāyam ahvat sa upedam ehi // (5.2) Par.?
indrendra manuṣyāḥ parehi saṃ hy ajñāsthā varuṇaiḥ saṃvidānaḥ / (6.1) Par.?
sa tvāyam ahvat sve sadhasthe sa devān yakṣat sa u kalpayad viśaḥ // (6.2) Par.?
pathyā revatīr bahudhā virūpāḥ sarvāḥ saṃgatya varīyas te akran / (7.1) Par.?
tās tvā sarvāḥ saṃvidānā hvayantu daśamīm ugraḥ sumanā vaśeha // (7.2) Par.?
Duration=0.044999122619629 secs.