Texts

Help

Select a text:
Bibliography
Select a chapter:
 (no revisions)
Associated topic(s): Soma

Show parallels  Show headlines
Use dependency labeler
Chapter id: 10998
  • Click on a sentence to show its analysis
  • Keep the mouse pointer over a lemma to show its meanings.
eṣa u sya vṛṣā ratho 'vyo vārebhir arṣati / (1.1) Par.?
gacchan vājaṃ sahasriṇam // (1.2) Par.?
etaṃ tritasya yoṣaṇo hariṃ hinvanty adribhiḥ / (2.1) Par.?
indum indrāya pītaye // (2.2) Par.?
etaṃ tyaṃ harito daśa marmṛjyante apasyuvaḥ / (3.1) Par.?
yābhir madāya śumbhate // (3.2) Par.?
eṣa sya mānuṣīṣv ā śyeno na vikṣu sīdati / (4.1) Par.?
gacchañ jāro na yoṣitam // (4.2) Par.?
eṣa sya madyo raso 'va caṣṭe divaḥ śiśuḥ / (5.1) Par.?
ya indur vāram āviśat // (5.2) Par.?
eṣa sya pītaye suto harir arṣati dharṇasiḥ / (6.1) Par.?
krandan yonim abhi priyam // (6.2) Par.?
Duration=0.036208868026733 secs.