UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Associated topic(s):
Soma
Show parallels
Show headlines
Use dependency labeler
Chapter id: 11088
- Click on a sentence to show its analysis
- Keep the mouse pointer over a lemma to show its meanings.
sākamukṣo marjayanta svasāro daśa dhīrasya dhītayo dhanutrīḥ / (1.1)
Par.?
hariḥ pary adravaj jāḥ sūryasya droṇaṃ nanakṣe atyo na vājī // (1.2)
Par.?
sam mātṛbhir na śiśur vāvaśāno vṛṣā dadhanve puruvāro adbhiḥ / (2.1)
Par.?
maryo na yoṣām abhi niṣkṛtaṃ yan saṃ gacchate kalaśa usriyābhiḥ // (2.2)
Par.?
uta pra pipya ūdhar aghnyāyā indur dhārābhiḥ sacate sumedhāḥ / (3.1)
Par.?
mūrdhānaṃ gāvaḥ payasā camūṣv abhi śrīṇanti vasubhir na niktaiḥ // (3.2)
Par.?
sa no devebhiḥ pavamāna radendo rayim aśvinaṃ vāvaśānaḥ / (4.1)
Par.?
rathirāyatām uśatī purandhir asmadryag ā dāvane vasūnām // (4.2)
Par.?
nū no rayim upa māsva nṛvantam punāno vātāpyaṃ viśvaścandram / (5.1) Par.?
pra vanditur indo tāry āyuḥ prātar makṣū dhiyāvasur jagamyāt // (5.2)
Par.?
Duration=0.025882959365845 secs.