Texts

Help

Select a text:
Bibliography
Select a chapter:
 (no revisions)
Associated topic(s): Sacrifice, yajña

Show parallels  Show headlines
Use dependency labeler
Chapter id: 10784
  • Click on a sentence to show its analysis
  • Keep the mouse pointer over a lemma to show its meanings.
yajūṃṣi yajñe samidhaḥ svāhāgniḥ pravidvān iha vo yunaktu // (1.1) Par.?
yunaktu devaḥ savitā prajānann asmin yajñe mahiṣaḥ svāhā // (2.1) Par.?
indra ukthāmadāny asmin yajñe pravidvān yunaktu suyujaḥ svāhā // (3.1) Par.?
praiṣā yajñe nividaḥ svāhā śiṣṭāḥ patnībhir vahateha yuktāḥ // (4.1) Par.?
chandāṃsi yajñe marutaḥ svāhā māteva putraṃ pipṛteha yuktāḥ // (5.1) Par.?
eyam agan barhiṣā prokṣaṇībhir yajñaṃ tanvānāditiḥ svāhā // (6.1) Par.?
viṣṇur yunaktu bahudhā tapāṃsy asmin yajñe suyujaḥ svāhā // (7.1) Par.?
tvaṣṭā yunaktu bahudhā nu rūpā asmin yajñe yunaktu suyujaḥ svāhā // (8.1) Par.?
bhago yunaktvāśiṣo nv asmā asmin yajñe pravidvān yunaktu suyujaḥ svāhā // (9.1) Par.?
somo yunaktu bahudhā payāṃsy asmin yajñe suyujaḥ svāhā // (10.1) Par.?
indro yunaktu bahudhā vīryāṇy asmin yajñe suyujaḥ svāhā // (11.1) Par.?
aśvinā brahmaṇā yātam arvāñcau vaṣaṭkāreṇa yajñaṃ vardhayantau / (12.1) Par.?
bṛhaspate brahmaṇā yāhy arvāṅ yajño ayaṃ svar idaṃ yajamānāya svāhā // (12.2) Par.?
Duration=0.029442071914673 secs.