Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Viśve devāḥ
Show parallels Show headlines
Use dependency labeler
Chapter id: 9810
- Click on a sentence to show its analysis
- Keep the mouse pointer over a lemma to show its meanings.
uṣāsānaktā bṛhatī supeśasā dyāvākṣāmā varuṇo mitro aryamā / (1.1) Par.?
indraṃ huve marutaḥ parvatāṁ apa ādityān dyāvāpṛthivī apaḥ svaḥ // (1.2) Par.?
dyauś ca naḥ pṛthivī ca pracetasa ṛtāvarī rakṣatām aṃhaso riṣaḥ / (2.1) Par.?
mā durvidatrā nirṛtir na īśata tad devānām avo adyā vṛṇīmahe // (2.2) Par.?
viśvasmān no aditiḥ pātv aṃhaso mātā mitrasya varuṇasya revataḥ / (3.1) Par.?
svarvaj jyotir avṛkaṃ naśīmahi tad devānām avo adyā vṛṇīmahe // (3.2) Par.?
grāvā vadann apa rakṣāṃsi sedhatu duṣṣvapnyaṃ nirṛtiṃ viśvam atriṇam / (4.1) Par.?
ādityaṃ śarma marutām aśīmahi tad devānām avo adyā vṛṇīmahe // (4.2) Par.?
endro barhiḥ sīdatu pinvatām iḍā bṛhaspatiḥ sāmabhir ṛkvo arcatu / (5.1) Par.?
supraketaṃ jīvase manma dhīmahi tad devānām avo adyā vṛṇīmahe // (5.2) Par.?
divispṛśaṃ yajñam asmākam aśvinā jīrādhvaraṃ kṛṇutaṃ sumnam iṣṭaye / (6.1) Par.?
prācīnaraśmim āhutaṃ ghṛtena tad devānām avo adyā vṛṇīmahe // (6.2) Par.?
upa hvaye suhavam mārutaṃ gaṇam pāvakam ṛṣvaṃ sakhyāya śambhuvam / (7.1) Par.?
rāyas poṣaṃ sauśravasāya dhīmahi tad devānām avo adyā vṛṇīmahe // (7.2) Par.?
apām peruṃ jīvadhanyam bharāmahe devāvyaṃ suhavam adhvaraśriyam / (8.1) Par.?
suraśmiṃ somam indriyaṃ yamīmahi tad devānām avo adyā vṛṇīmahe // (8.2) Par.?
sanema tat susanitā sanitvabhir vayaṃ jīvā jīvaputrā anāgasaḥ / (9.1) Par.?
brahmadviṣo viṣvag eno bharerata tad devānām avo adyā vṛṇīmahe // (9.2) Par.?
ye sthā manor yajñiyās te śṛṇotana yad vo devā īmahe tad dadātana / (10.1) Par.?
jaitraṃ kratuṃ rayimad vīravad yaśas tad devānām avo adyā vṛṇīmahe // (10.2) Par.?
mahad adya mahatām ā vṛṇīmahe 'vo devānām bṛhatām anarvaṇām / (11.1) Par.?
yathā vasu vīrajātaṃ naśāmahai tad devānām avo adyā vṛṇīmahe // (11.2) Par.?
maho agneḥ sam idhānasya śarmaṇy anāgā mitre varuṇe svastaye / (12.1) Par.?
śreṣṭhe syāma savituḥ savīmani tad devānām avo adyā vṛṇīmahe // (12.2) Par.?
ye savituḥ satyasavasya viśve mitrasya vrate varuṇasya devāḥ / (13.1) Par.?
te saubhagaṃ vīravad gomad apno dadhātana draviṇaṃ citram asme // (13.2) Par.?
savitā paścātāt savitā purastāt savitottarāttāt savitādharāttāt / (14.1) Par.?
savitā naḥ suvatu sarvatātiṃ savitā no rāsatāṃ dīrgham āyuḥ // (14.2) Par.?
Duration=0.090301990509033 secs.