UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9882
- Click on a sentence to show its analysis
- Keep the mouse pointer over a lemma to show its meanings.
kim icchantī saramā predam ānaḍ dūre hy adhvā jaguriḥ parācaiḥ / (1.1)
Par.?
kāsmehitiḥ kā paritakmyāsīt kathaṃ rasāyā ataraḥ payāṃsi // (1.2)
Par.?
indrasya dūtīr iṣitā carāmi maha icchantī paṇayo nidhīn vaḥ / (2.1)
Par.?
atiṣkado bhiyasā tan na āvat tathā rasāyā ataram payāṃsi // (2.2)
Par.?
kīdṛṅṅ indraḥ sarame kā dṛśīkā yasyedaṃ dūtīr asaraḥ parākāt / (3.1)
Par.?
ā ca gacchān mitram enā dadhāmāthā gavāṃ gopatir no bhavāti // (3.2)
Par.?
nāhaṃ taṃ veda dabhyaṃ dabhat sa yasyedaṃ dūtīr asaram parākāt / (4.1)
Par.?
na taṃ gūhanti sravato gabhīrā hatā indreṇa paṇayaḥ śayadhve // (4.2)
Par.?
imā gāvaḥ sarame yā aicchaḥ pari divo antān subhage patantī / (5.1)
Par.?
kas ta enā ava sṛjād ayudhvy utāsmākam āyudhā santi tigmā // (5.2)
Par.?
asenyā vaḥ paṇayo vacāṃsy aniṣavyās tanvaḥ santu pāpīḥ / (6.1)
Par.?
adhṛṣṭo va etavā astu panthā bṛhaspatir va ubhayā na mṛḍāt // (6.2)
Par.?
ayaṃ nidhiḥ sarame adribudhno gobhir aśvebhir vasubhir nyṛṣṭaḥ / (7.1)
Par.?
rakṣanti tam paṇayo ye sugopā reku padam alakam ā jagantha // (7.2) Par.?
eha gamann ṛṣayaḥ somaśitā ayāsyo aṅgiraso navagvāḥ / (8.1)
Par.?
ta etam ūrvaṃ vi bhajanta gonām athaitad vacaḥ paṇayo vamann it // (8.2)
Par.?
evā ca tvaṃ sarama ājagantha prabādhitā sahasā daivyena / (9.1)
Par.?
svasāraṃ tvā kṛṇavai mā punar gā apa te gavāṃ subhage bhajāma // (9.2)
Par.?
nāhaṃ veda bhrātṛtvaṃ no svasṛtvam indro vidur aṅgirasaś ca ghorāḥ / (10.1)
Par.?
gokāmā me acchadayan yad āyam apāta ita paṇayo varīyaḥ // (10.2)
Par.?
dūram ita paṇayo varīya ud gāvo yantu minatīr ṛtena / (11.1)
Par.?
bṛhaspatir yā avindan nigūḍhāḥ somo grāvāṇa ṛṣayaś ca viprāḥ // (11.2)
Par.?
Duration=0.04681396484375 secs.