Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice

Show parallels  Show headlines
Use dependency labeler
Chapter id: 11668
  • Click on a sentence to show its analysis
  • Keep the mouse pointer over a lemma to show its meanings.
15 parallel or similar passage(s) in this chapter
devānām patnīḥ śaṃsaty anūcīr agniṃ gṛhapatiṃ tasmād anūcī patnī gārhapatyam āste // (1.0) Par.?
tad āhū rākām pūrvāṃ śaṃsej jāmyai vai pūrvapeyam iti // (2.0) Par.?
tat tan nādṛtyaṃ devānām eva patnīḥ pūrvāḥ śaṃsed eṣa ha vā etat patnīṣu reto dadhāti yad agnir gārhapatyo 'gninaivāsu tad gārhapatyena patnīṣu pratyakṣād reto dadhāti prajātyai // (3.0) Par.?
prajāyate prajayā paśubhir ya evaṃ veda // (4.0) Par.?
tasmāt samānodaryā svasānyodaryāyai jāyāyā anujīvinī jīvati // (5.0) Par.?
rākāṃ śaṃsati rākā ha vā etām puruṣasya sevanīṃ sīvyati yaiṣā śiśne 'dhi // (6.0) Par.?
pumāṃso 'sya putrā jāyante ya evaṃ veda // (7.0) Par.?
pāvīravīṃ śaṃsati vāg vai sarasvatī pāvīravī vācy eva tad vācaṃ dadhāti // (8.0) Par.?
tad āhur yāmīm pūrvāṃ śaṃset pitryām iti // (9.0) Par.?
yāmīm eva pūrvāṃ śaṃsed imaṃ yama prastaram ā hi sīdeti rājño vai pūrvapeyaṃ tasmād yāmīm eva pūrvāṃ śaṃset // (10.0) Par.?
mātalī kavyair yamo aṅgirobhir iti kāvyānām anūcīṃ śaṃsaty avareṇaiva vai devān kāvyāḥ pareṇaiva pitṝṃs tasmāt kāvyānām anūcīṃ śaṃsati // (11.0) Par.?
ud īratām avara ut parāsa iti pitryāḥ śaṃsati // (12.0) Par.?
un madhyamāḥ pitaraḥ somyāsa iti // (13.0) Par.?
ye caivāvamā ye ca paramā ye ca madhyamās tān sarvān anantarāyam pṛṇāti // (14.0) Par.?
āham pitṝn suvidatrāṁ avitsīti dvitīyāṃ śaṃsati // (15.0) Par.?
barhiṣado ye svadhayā sutasyety etaddha vā eṣām priyaṃ dhāma yad barhiṣada iti priyeṇaivaināṃs tad dhāmnā samardhayati // (16.0) Par.?
priyeṇa dhāmnā samṛdhyate ya evaṃ veda // (17.0) Par.?
idam pitṛbhyo namo astv adyeti namaskāravatīm antataḥ śaṃsati tasmād antataḥ pitṛbhyo namaskriyate // (18.0) Par.?
tad āhur vyāhāvam pitryāḥ śaṃset avyāhāvām iti vyāhāvam eva śaṃsed asaṃsthitaṃ vai pitṛyajñasya sādhv asaṃsthitaṃ vā eṣa pitṛyajñaṃ saṃsthāpayati yo 'vyāhāvaṃ śaṃsati tasmād vyāhāvam eva śaṃstavyam // (19.0) Par.?
Duration=0.051149129867554 secs.