Texts

Help

Select a text:
Bibliography
Select a chapter:
 (no revisions)
Associated topic(s): for material success, riches, wealth, prosperity, for protection, safety, and luck

Show parallels  Show headlines
Use dependency labeler
Chapter id: 11657
  • Click on a sentence to show its analysis
  • Keep the mouse pointer over a lemma to show its meanings.
ūrjaṃ bibhrad vasuvaniḥ sumedhā aghoreṇa cakṣuṣā mitriyeṇa / (1.1) Par.?
gṛhān aimi sumanā vandamāno ramadhvam mā bibhīta mat // (1.2) Par.?
ime gṛhā mayobhuva ūrjasvantaḥ payasvantaḥ / (2.1) Par.?
pūrṇā vāmena tiṣṭhantas te no jānantv āyataḥ // (2.2) Par.?
yeṣām adhyeti pravasan yeṣu saumanaso bahuḥ / (3.1) Par.?
gṛhān upa hvayāmahe te no jānantv āyataḥ // (3.2) Par.?
upahūtā bhūridhanāḥ sakhāyaḥ svādusaṃmudaḥ / (4.1) Par.?
akṣudhyā atṛṣyā sta gṛhā māsmad bibhītana // (4.2) Par.?
upahūtā iha gāva upahūtā ajāvayaḥ / (5.1) Par.?
atho annasya kīlāla upahūto gṛheṣu // (5.2) Par.?
sūnṛtāvantaḥ subhagā irāvanto hasāmudāḥ / (6.1) Par.?
atṛṣyā akṣudhyā sta gṛhā māsmad bibhītana // (6.2) Par.?
ihaiva sta mānu gāta viśvā rūpāṇi puṣyata / (7.1) Par.?
aiṣyāmi bhadreṇā saha bhūyāṃso bhavatā mayā // (7.2) Par.?
Duration=0.14822101593018 secs.