Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Liberation, mokṣa, release, saṃsāra
Show parallels Show headlines
Use dependency labeler
Chapter id: 10369
- Click on a sentence to show its analysis
- Keep the mouse pointer over a lemma to show its meanings.
tad etat satyam / (1.1) Par.?
mantreṣu karmāṇi kavayo yānyapaśyaṃstāni tretāyāṃ bahudhā saṃtatāni / (1.2) Par.?
tāny ācaratha niyataṃ satyakāmā eṣa vaḥ panthāḥ sukṛtasya loke // (1.3) Par.?
yadā lelāyate hyarciḥ samiddhe havyavāhane / (2.1) Par.?
tadājyabhāgāvantareṇāhutīḥ pratipādayet / (2.2) Par.?
śraddhayā hutam om // (2.3) Par.?
yasyāgnihotram adarśam apaurṇamāsam acāturmāsyam anāgrayaṇam atithivarjitaṃ ca / (3.1) Par.?
ahutam avaiśvadevam avidhinā hutam ā saptamāṃstasya lokān hinasti // (3.2) Par.?
kālī karālī ca manojavā ca sulohitā yā ca sudhūmravarṇā / (4.1) Par.?
sphuliṅginī viśvarucī ca devī lelāyamānā iti sapta jihvāḥ // (4.2) Par.?
eteṣu yaś carate bhrājamāneṣu yathākālaṃ cāhutayo hyādadāyan / (5.1) Par.?
taṃ nayantyetāḥ sūryasya raśmayo yatra devānāṃ patir eko 'dhivāsaḥ // (5.2) Par.?
ehy ehīti tam āhutayaḥ suvarcasaḥ sūryasya raśmibhir yajamānaṃ vahanti / (6.1) Par.?
priyāṃ vācam abhivadantyo 'rcayantya eṣa vaḥ puṇyaḥ sukṛto brahmalokaḥ // (6.2) Par.?
plavā hyete adṛḍhā yajñarūpā aṣṭādaśoktam avaraṃ yeṣu karma / (7.1) Par.?
etacchreyo ye 'bhinandanti mūḍhā jarāmṛtyuṃ te punar evāpiyanti // (7.2) Par.?
avidyāyām antare vartamānāḥ svayaṃ dhīrāḥ paṇḍitaṃ manyamānāḥ / (8.1) Par.?
jaṅghanyamānāḥ pariyanti mūḍhā andhenaiva nīyamānā yathāndhāḥ // (8.2) Par.?
avidyāyāṃ bahudhā vartamānā vayaṃ kṛtārthā ityabhimanyanti bālāḥ / (9.1) Par.?
yat karmiṇo na pravedayanti rāgāt tenāturāḥ kṣīṇalokāścyavante // (9.2) Par.?
iṣṭāpūrtaṃ manyamānā variṣṭhaṃ nānyacchreyo vedayante pramūḍhāḥ / (10.1) Par.?
nākasya pṛṣṭhe te sukṛte 'nubhūtvemaṃ lokaṃ hīnataraṃ vā viśanti // (10.2) Par.?
tapaḥśraddhe ye hyupavasanty araṇye śāntā vidvāṃso bhaikṣacaryāṃ carantaḥ / (11.1) Par.?
sūryadvāreṇa te virajāḥ prayānti yatrāmṛtaḥ sa puruṣo hyavyayātmā // (11.2) Par.?
parīkṣya lokān karmacitān brāhmaṇo nirvedam āyān nāsty akṛtaḥ kṛtena / (12.1) Par.?
tadvijñānārthaṃ sa gurum evābhigacchet samitpāṇiḥ śrotriyaṃ brahmaṇiṣṭham // (12.2) Par.?
tasmai sa vidvān upasannāya samyak praśāntacittāya śamānvitāya / (13.1) Par.?
yenākṣaraṃ puruṣaṃ veda satyaṃ provāca tāṃ tattvato brahmavidyām // (13.2) Par.?
Duration=0.06620979309082 secs.