Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Show parallels Show headlines
Use dependency labeler
Chapter id: 10372
- Click on a sentence to show its analysis
- Keep the mouse pointer over a lemma to show its meanings.
āviḥ saṃnihitaṃ guhācaraṃ nāma mahat padam atraitat samarpitam / (1.1) Par.?
ejat prāṇan nimiṣacca yad etajjānatha sadasadvareṇyam / (1.2) Par.?
paraṃ vijñānād yad variṣṭhaṃ prajānām // (1.3) Par.?
yad arcimad yad aṇubhyo 'ṇu ca yasmiṃllokā nihitā lokinaśca / (2.1) Par.?
tad etad akṣaraṃ brahma sa prāṇas tad u vāṅmanaḥ / (2.2) Par.?
tad etat satyaṃ tad amṛtaṃ tadveddhavyaṃ somya viddhi // (2.3) Par.?
dhanurgṛhītvaupaniṣadaṃ mahāstraṃ śaraṃ hyupāsāniśitaṃ saṃdhayīta / (3.1) Par.?
āyamya tad bhāvagatena cetasā lakṣyaṃ tad evākṣaraṃ somya viddhi // (3.2) Par.?
praṇavo dhanuḥ śaro hyātmā brahma tallakṣyam ucyate / (4.1) Par.?
apramattena veddhavyaṃ śaravat tanmayo bhavet // (4.2) Par.?
yasmin dyauḥ pṛthivī cāntarikṣam otaṃ manaḥ saha prāṇaiś ca sarvaiḥ / (5.1) Par.?
tam evaikaṃ jānatha ātmānam anyā vāco vimuñcathāmṛtasyaiṣa setuḥ // (5.2) Par.?
arā iva rathanābhau saṃhatā yatra nāḍyaḥ sa eṣo 'ntaścarate bahudhā jāyamānaḥ / (6.1) Par.?
om ityevaṃ dhyāyatha ātmānaṃ svasti vaḥ pārāya tamasaḥ parastāt // (6.2) Par.?
yaḥ sarvajñaḥ sarvavid yasyaiṣa mahimā bhuvi / (7.1) Par.?
divye brahmapure hyeṣa vyomnyātmā pratiṣṭhitaḥ / (7.2) Par.?
manomayaḥ prāṇaśarīranetā pratiṣṭhito 'nne hṛdayaṃ saṃnidhāya / (7.3) Par.?
tad vijñānena paripaśyanti dhīrā ānandarūpam amṛtaṃ yad vibhāti // (7.4) Par.?
bhidyate hṛdayagranthiś chidyante sarvasaṃśayāḥ / (8.1) Par.?
kṣīyante cāsya karmāṇi tasmin dṛṣṭe parāvare // (8.2) Par.?
hiraṇmaye pare kośe virajaṃ brahma niṣkalam / (9.1) Par.?
tacchubhraṃ jyotiṣāṃ jyotistadyadātmavido viduḥ // (9.2) Par.?
na tatra sūryo bhāti na candratārakaṃ nemā vidyuto bhānti kuto 'yam agniḥ / (10.1) Par.?
tam eva bhāntam anubhāti sarvaṃ tasya bhāsā sarvam idaṃ vibhāti // (10.2) Par.?
brahmaivedam amṛtaṃ purastād brahma paścād brahma dakṣiṇataścottareṇa / (11.1) Par.?
adhaścordhvaṃ ca prasṛtaṃ brahmaivedaṃ viśvam idaṃ variṣṭham // (11.2) Par.?
Duration=0.053936004638672 secs.