UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 10496
- Click on a sentence to show its analysis
- Keep the mouse pointer over a lemma to show its meanings.
ayaṃ te yonir ṛtviyo yato jāto arocathāḥ / (1.1)
Par.?
taṃ jānann agna ā rohādhā no vardhaya rayim // (1.2)
Par.?
agne acchā vadeha naḥ pratyaṅ naḥ sumanā bhava / (2.1)
Par.?
pra ṇo yaccha viśāṃ pate dhanadā asi nas tvam // (2.2)
Par.?
pra ṇo yacchatv aryamā pra bhagaḥ pra bṛhaspatiḥ / (3.1)
Par.?
pra devīḥ prota sūnṛtā rayiṃ devī dadhātu me // (3.2)
Par.?
somaṃ rājānam avase 'gniṃ gīrbhir havāmahe / (4.1)
Par.?
ādityam viṣṇum sūryaṃ brahmāṇaṃ ca bṛhaspatim // (4.2)
Par.?
tvaṃ no agne agnibhir brahma yajñaṃ vardhaya / (5.1)
Par.?
tvaṃ no deva dātave rayiṃ dānāya codaya // (5.2)
Par.?
indravāyū ubhāv iha suhaveha havāmahe / (6.1)
Par.?
yathā naḥ sarva ij janaḥ saṃgatyāṃ sumanā asad dānakāmaś ca no bhuvat // (6.2)
Par.?
aryamaṇaṃ bṛhaspatim indraṃ dānāya codaya / (7.1)
Par.?
vātaṃ viṣṇuṃ sarasvatīṃ savitāraṃ ca vājinam // (7.2)
Par.?
vājasya nu prasave saṃ babhūvimemā ca viśvā bhuvanāni antaḥ / (8.1)
Par.?
utāditsantaṃ dāpayatu prajānan rayiṃ ca naḥ sarvavīraṃ ni yaccha // (8.2)
Par.?
duhrām me pañca pradiśo duhrām urvīr yathābalam / (9.1)
Par.?
prāpeyaṃ sarvā ākūtīr manasā hṛdayena ca // (9.2)
Par.?
gosaniṃ vācam udeyaṃ varcasā mābhyudihi / (10.1) Par.?
ā rundhāṃ sarvato vāyus tvaṣṭā poṣaṃ dadhātu me // (10.2)
Par.?
Duration=0.043049097061157 secs.