Texts

Help

Select a text:
Bibliography
Select a chapter:
 (no revisions)
Associated topic(s): caturviṃśa day

Show parallels  Show headlines
Use dependency labeler
Chapter id: 11730
  • Click on a sentence to show its analysis
  • Keep the mouse pointer over a lemma to show its meanings.
6 parallel or similar passage(s) in this chapter
yad vai caturviṃśaṃ tan mahāvratam bṛhaddivenātra hotā retaḥ siñcati tad ado mahāvratīyenāhnā prajanayati saṃvatsare saṃvatsare vai retaḥ siktaṃ jāyate tasmāt samānam bṛhaddivo niṣkevalyam bhavaty eṣa ha vā enam parastāt karmabhir āptvāvastād upaiti ya evaṃ vidvān etad ahar upaiti // (1) Par.?
svasti saṃvatsarasya pāram aśnute ya evaṃ veda // (2) Par.?
yo vai saṃvatsarasyāvāraṃ ca pāraṃ ca veda sa vai svasti saṃvatsarasya pāram aśnute 'tirātro vā asya prāyaṇīyo 'vāram udayanīyaḥ pāram // (3) Par.?
svasti saṃvatsarasya pāram aśnute ya evaṃ veda // (4) Par.?
yo vai saṃvatsarasyāvarodhanaṃ codrodhanaṃ ca veda sa vai svasti saṃvatsarasya pāram aśnute 'tirātro vā asya prāyaṇīyo 'varodhanam udayanīya udrodhanam // (5) Par.?
svasti saṃvatsarasya pāram aśnute ya evaṃ veda // (6) Par.?
yo vai saṃvatsarasya prāṇodānau veda sa vai svasti saṃvatsarasya pāram aśnute 'tirātro vā asya prāyaṇīyaḥ prāṇa udāna udayanīyaḥ // (7) Par.?
svasti saṃvatsarasya pāram aśnute ya evaṃ veda ya evaṃ veda // (8) Par.?
Duration=0.01960015296936 secs.