Texts

Help

Select a text:
Bibliography
Select a chapter:
 (no revisions)
Associated topic(s): agnihotra, penance, prāyaścitta, prāyaścitta

Show parallels  Show headlines
Use dependency labeler
Chapter id: 12822
  • Click on a sentence to show its analysis
  • Keep the mouse pointer over a lemma to show its meanings.
yat prāguddrutam amedhyam āpadyeta kiṃ tatra karma kā prāyaścittir iti // (1.0) Par.?
tad u haike hotavyam eva manyante pretam etan naitasyāhomaḥ kalpata iti vadantaḥ // (2.0) Par.?
atha haike 'dbhir abhyāsicya parāsiñcanti // (3.0) Par.?
tad u tathā na kuryāt // (4.0) Par.?
yo ha tatra brūyāt parā nvā ayam idam agnihotram asiñcat parāsekṣyate 'yaṃ yajamāna iti tathā haiva syāt // (5.0) Par.?
ittham eva kuryāt // (6.0) Par.?
āhavanīya eva samidham abhyādhāyāhavanīyasyaivoṣṇaṃ bhasma nirūhya tasminn enat tūṣṇīṃ ninayet // (7.0) Par.?
tan na hutaṃ nāhutam // (8.0) Par.?
adbhir anuninayet // (9.0) Par.?
adbhir evainad āpnoti // (10.0) Par.?
atha yad anyad vindet tena juhuyāt // (11.0) Par.?
atho khalv āhur yad avavarṣet kiṃ tatra karma kā prāyaścittir iti // (12.0) Par.?
sa vidyād upariṣṭān mā śukram āgāt prajātir me bhūyasy abhūcchreyān bhaviṣyāmīti tathā haiva syāt // (13.0) Par.?
atho khalv āhur yat pūrvasyām āhutau hutāyām aṅgārā anugaccheyuḥ kvottarāṃ juhuyād iti // (14.0) Par.?
ya eva tatra śakalo 'ntikaḥ syāt tam adhyasya juhuyāt // (15.0) Par.?
dārau dārau hy agniḥ // (16.0) Par.?
sa yadi tasyāṃ na tiṣṭheddhiraṇyam abhijuhuyāt // (17.0) Par.?
tad agner vā etad reto yaddhiraṇyam // (18.0) Par.?
ya u vai pitā sa putraḥ // (19.0) Par.?
tasmāddhiraṇyam abhijuhuyāt // (20.0) Par.?
atho khalv āhuḥ // (21.0) Par.?
Duration=0.046234130859375 secs.