Texts

Help

Select a text:
Bibliography
Select a chapter:
 (no revisions)
Associated topic(s): Sacrifice, yajña

Show parallels  Show headlines
Use dependency labeler
Chapter id: 11939
  • Click on a sentence to show its analysis
  • Keep the mouse pointer over a lemma to show its meanings.
athaudumbarīṃ samanvārabhante // (1) Par.?
iṣam ūrjam anvārabha iti // (2) Par.?
ūrg vā annādyam udumbaraḥ // (3) Par.?
yad vai tad devā iṣam ūrjaṃ vyabhajanta tata udumbaraḥ samabhavat tasmāt sa triḥ saṃvatsarasya pacyate // (4) Par.?
tad yad audumbarīm samanvārabhanta iṣam eva tad ūrjam annādyaṃ samanvārabhante // (5) Par.?
vācaṃ yacchanti vāg vai yajño yajñam eva tad yacchanti // (6) Par.?
ahar niyacchanty ahar vai svargo lokaḥ svargam eva tal lokaṃ niyacchanti // (7) Par.?
na divā vācaṃ visṛjeran yad divā vācaṃ visṛjerann ahar bhrātṛvyāya pariśiṃṣyuḥ // (8) Par.?
na naktaṃ vācaṃ visṛjeran yan naktaṃ vācaṃ visṛjeran rātrīm bhrātṛvyāya pariśiṃṣyuḥ // (9) Par.?
samayāviṣitaḥ sūryaḥ syād atha vācaṃ visṛjeraṃs tāvantam eva tad dviṣate lokam pariśiṃṣanti // (10) Par.?
atho khalv astamita eva vācaṃ visṛjeraṃs tamobhājam eva tad dviṣantam bhrātṛvyaṃ kurvanti // (11) Par.?
āhavanīyam parītya vācaṃ visṛjeran yajño vā āhavanīyaḥ svargo loka āhavanīyo yajñenaiva tat svargeṇa lokena svargaṃ lokaṃ yanti // (12) Par.?
yad ihonam akarma yad atyarīricāma prajāpatiṃ tat pitaram apyetv iti vācaṃ visṛjante // (13) Par.?
prajāpatiṃ vai prajā anuprajāyante prajāpatir ūnātiriktayoḥ pratiṣṭhā nainān ūnaṃ nātiriktaṃ hinasti // (14) Par.?
prajāpatim evonātiriktāny abhyatyarjanti ya evaṃ vidvāṃsa etena vācaṃ visṛjante // (15) Par.?
tasmād evaṃ vidvāṃsa etenaiva vācaṃ visṛjeran // (16) Par.?
Duration=0.036243915557861 secs.