Texts

Help

Select a text:
Bibliography
Select a chapter:
 (no revisions)
Associated topic(s): Vedic hymns, śastras

Show parallels  Show headlines
Use dependency labeler
Chapter id: 12054
  • Click on a sentence to show its analysis
  • Keep the mouse pointer over a lemma to show its meanings.
apa prāca indra viśvāṁ amitrān iti maitrāvaruṇaḥ purastāt sūktānām ahar ahaḥ śaṃsati // (1) Par.?
apāpāco abhibhūte nudasva apodīco apa śūrādharāca urau yathā tava śarman mademeti // (2) Par.?
abhayasya rūpam abhayam iva hi yann icchati // (3) Par.?
brahmaṇā te brahmayujā yunajmīti brāhmaṇācchaṃsy ahar ahaḥ śaṃsati yunajmīti yuktavatī yukta iva hy ahīno 'hīnasya rūpam // (4) Par.?
uruṃ no lokam anu neṣi vidvān ity achāvāko 'harahaḥ śaṃsaty anu neṣīty etīva hy ahīno 'hīnasya rūpam // (5) Par.?
neṣīti sattrāyaṇarūpam // (6) Par.?
tā vā etā ahar ahaḥ śasyante // (7) Par.?
samānībhiḥ paridadhyuḥ // (8) Par.?
okaḥsārī haiṣām indro yajñam bhavatī3ṃ yatharṣabho vāśitāṃ yathā vā gauḥ prajñātaṃ goṣṭham evaṃ haiṣām indro yajñam aiva gacchati // (9) Par.?
na śunaṃhuvīyayāhīnasya paridadhyāt kṣatriyo ha rāṣṭrāccyavate yo haiva paro bhavati tam abhihvayati // (10) Par.?
Duration=0.049532175064087 secs.