Texts

idaṃ rāṣṭraṃ prathatāṃ gobhir aśvair idaṃ rāṣṭram annenerayā rasena / (1.1) Par.?

asmai ṣaḍ urvīr upa saṃ namantu saptahotrā hata śatrūn sacittāḥ // (1.2) Par.?

ime rājāna iṣubhir ghnantu śatrūn ime rājānaḥ samityānyān vadheyuḥ / (2.1) Par.?

ime rājānaḥ pṛtanāḥ sahantām ahaṃ brahmā vi mṛdho hanmi sarvāḥ // (2.2) Par.?

idaṃ rāṣṭraṃ kratumad vīravaj jiṣṇūgram idaṃ rāṣṭraṃ gardnumac citraghoṣam / (3.1) Par.?

asmai rāṣṭrāya balim anye harantv ahaṃ devebhyo haviṣā vidheyam // (3.2) Par.?

yadi yuddhaṃ yady ṛtitaṃ vo asti devainasād yadi vā pitryeṇa / (4.1) Par.?

yenartīyādhenavo astu tasmā ahaṃ devebhyo haviṣā juhomi // (4.2) Par.?

yad vaḥ krūraṃ manaso yac ca vāco devainasād yadi vā pitryeṇa / (5.1) Par.?

āpa iva duḥṣvapnyam apa tat svapadhvam athānandinaḥ sumanasaḥ sam eta // (5.2) Par.?

apām iva vegaḥ pra śṛṇīta śatrūn diśodiśo rabhamāṇāḥ sam eta / (6.1) Par.?

ekavratā vi dhanaṃ bhajadhvaṃ purohitena vo rāṣṭraṃ prathayantu devāḥ // (6.2) Par.?

samyag vo rāṣṭraṃ saha vo manāṃsi samīcīnāḥ paśavo viśvarūpāḥ / (7.1) Par.?

samīcīnānāṃ vo aham asmi brahmā samyañco devā havam ā yantu ma imam // (7.2) Par.?

yathāpaḥ samudrāya samīcīr vahatha śriyam / (8.1) Par.?

evā rāṣṭrāya me devāḥ samyañco vahata śriyam // (8.2) Par.?

saṃsṛṣṭaṃ vo rāṣṭraṃ paśubhir gobhir aśvaiḥ saṃsṛṣṭam annenerayā rasena / (9.1) Par.?

mayā brahmaṇā prathamānāśvo vasīyāṃsaḥ sadam ugrā bhavātha // (9.2) Par.?

bahur yuvā pramṛṇo dhṛṣṇur astu bahuḥ kumāraḥ pratirūpaḥ pitṝṇām / (10.1) Par.?

satyaṃ vadantaḥ samitiṃ caranto mitraṃ gṛhṇānā jaraso yantu sakhyam // (10.2) Par.?

iha kṣatraṃ dyumnam uta rāṣṭraṃ samaitv ihendriyaṃ paśubhiḥ saṃvidānam / (11.1) Par.?

avadhūnvānā apriyān yāṃś ca dviṣma idaṃ rāṣṭraṃ prathatāṃ sarvadaiva // (11.2) Par.?

idaṃ rāṣṭraṃ iṣumad vīravaj jiṣṇūgram idaṃ rāṣṭraṃ paśumad brahmavṛddham / (12.1) Par.?

idaṃ rāṣṭraṃ hataśatru jiṣṇu // (12.2) Par.?

sapatnasāhaṃ pramṛṇam idaṃ rāṣṭraṃ dṛḍham ugram / (13.1) Par.?

sāḍhāmitram abhimātiṣāhaṃ sarvā jigāya pṛtanā abhiṣṭi // (13.2) Par.?