Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): vrātya
Show parallels Show headlines
Use dependency labeler
Chapter id: 12279
- Click on a sentence to show its analysis
- Keep the mouse pointer over a lemma to show its meanings.
sa udatiṣṭhat sa prācīṃ diśam anuvyacalat / (1.1) Par.?
taṃ bṛhac ca rathantaraṃ cādityāś ca viśve ca devā anuvyacalan / (1.2) Par.?
bṛhate ca vai sa rathantarāya cādityebhyaś ca viśvebhyaś ca devebhya āvṛścate ya evaṃ vidvāṃsaṃ vrātyam upavadati / (1.3) Par.?
bṛhataś ca vai sa rathantarasya cādityānāṃ ca viśveṣāṃ ca devānāṃ priyaṃ dhāma bhavati ya evaṃ veda / (1.4) Par.?
tasya prācyāṃ diśi śraddhā puṃścalī mitro māgadho vijñānaṃ vāso 'har uṣṇīṣaṃ rātrī keśā haritau pravartau kalmalir maṇiḥ / (1.5) Par.?
bhūtaṃ ca bhaviṣyac ca pariṣkandau mano vipathaṃ mātariśvā ca pavamānaś ca vipathavāhau vātaḥ sārathī reṣmā pratodaḥ kīrtiś ca yaśaś ca puraḥsarau / (1.6) Par.?
ainaṃ kīrtir gacchaty ā yaśo gacchati ya evaṃ veda // (1.7) Par.?
sa udatiṣṭhat sa dakṣiṇāṃ diśam anuvyacalat / (2.1) Par.?
taṃ yajñāyajñiyaṃ ca vāmadevyaṃ ca yajñaś ca yajamānaś ca paśavaś cānuvyacalan / (2.2) Par.?
yajñāyajñiyāya ca vai sa vāmadevyāya ca yajñāya ca yajamānāya ca paśubhyaś cāvṛścate ya evaṃ vidvāṃsaṃ vrātyam upavadati / (2.3) Par.?
yajñāyajñiyasya ca vai sa vāmadevyasya ca yajñasya ca yajamānasya ca paśūnāṃ ca priyaṃ dhāma bhavati ya evaṃ veda / (2.4) Par.?
tasya dakṣiṇāyāṃ diśy uṣāḥ puṃścalī mantro māgadho vijñānaṃ vāso 'har uṣṇīṣaṃ rātrī keśā haritau pravartau kalmalir maṇiḥ / (2.5) Par.?
amāvāsyā ca paurṇamāsī ca pariṣkandau mano vipathaṃ mātariśvā ca pavamānaś ca vipathavāhau vātaḥ sārathī reṣmā pratodaḥ kīrtiś ca yaśaś ca puraḥsarau / (2.6) Par.?
ainaṃ kīrtir gacchaty ā yaśo gacchati ya evaṃ veda // (2.7) Par.?
sa udatiṣṭhat sa pratīcīṃ diśam anuvyacalat / (3.1) Par.?
taṃ vairūpaṃ ca vairājaṃ cāpaś ca varuṇaś ca rājānuvyacalan / (3.2) Par.?
vairūpāya ca vai sa vairājāya cādbhyaś ca varuṇāya ca rājña āvṛścate ya evaṃ vidvāṃsaṃ vrātyam upavadati / (3.3) Par.?
vairūpasya ca vai sa vairājasya cāpāṃ ca varuṇasya ca rājñaḥ priyaṃ dhāma bhavati ya evaṃ veda / (3.4) Par.?
tasya pratīcyāṃ diśīrā puṃścalī haso māgadho vijñānaṃ vāso 'har uṣṇīṣaṃ rātrī keśā haritau pravartau kalmalir maṇiḥ / (3.5) Par.?
ahaś ca rātrī ca pariṣkandau mano vipathaṃ mātariśvā ca pavamānaś ca vipathavāhau vātaḥ sārathī reṣmā pratodaḥ kīrtiś ca yaśaś ca puraḥsarau / (3.6) Par.?
ainaṃ kīrtir gacchaty ā yaśo gacchati ya evaṃ veda // (3.7) Par.?
sa udatiṣṭhat sa udīcīṃ diśam anuvyacalat / (4.1) Par.?
taṃ śyaitaṃ ca naudhasaṃ ca saptarṣayaś ca somaś ca rājānuvyacalan / (4.2) Par.?
śyaitāya ca vai sa naudhasāya ca saptarṣibhyaś ca somāya ca rājña āvṛścate ya evaṃ vidvāṃsaṃ vrātyam upavadati / (4.3) Par.?
śyaitasya ca vai sa naudhasasya ca saptarṣīṇāṃ ca somasya ca rājñaḥ priyaṃ dhāma bhavati ya evaṃ veda / (4.4) Par.?
tasyodīcyāṃ diśi vidyut puṃścalī stanayitnur māgadho vijñānaṃ vāso 'har uṣṇīṣaṃ rātrī keśā haritau pravartau kalmalir maṇiḥ / (4.5) Par.?
śrutaṃ ca viśrutaṃ ca pariṣkandau mano vipathaṃ mātariśvā ca pavamānaś ca vipathavāhau vātaḥ sārathī reṣmā pratodaḥ kīrtiś ca yaśaś ca puraḥsarau / (4.6) Par.?
ainaṃ kīrtir gacchaty ā yaśo gacchati ya evaṃ veda // (4.7) Par.?
Duration=0.064915895462036 secs.